«Amikron» užo pieravažaje ŭ Minsku, a ŭ Biełarusi — tolki sprava času
«Pa dadzienych epidemijołahaŭ, za apošni tydzień siarod štamaŭ karanavirusa pa horadzie Minsku, jakija ciapier cyrkulujuć, bolš za 50 % — heta ŭžo «amikron». Pa rehijonach udzielnaja vaha «amikrona» krychu nižejšaja, ale heta sprava času. Tamu «amikron» u nas jość, i pakul nielha skazać, što jon adziny (taksama cyrkulujuć «delta» i hryp)», — pra heta siońnia raskazała pieršy namieśnik ministra achovy zdaroŭja Alena Kratkova na telekanale ANT.
Pavodle słoŭ spadaryni Kratkovaj, štam «amikron» maje niekatoryja adroźnieńni ad papiarednich varyjantaŭ, u pryvatnaści, ad «delty».
— Jon vałodaje mienšaj patahiennaściu, ale bolš vysokaj kantahijoznaściu, to-bok raspaŭsiudžvajecca chutčej, čym delta, — patłumačyła Kratkova. — Vialikaja kolkaść mutacyj, jakija adbylisia ŭ spajk-białku (heta białok-šyp, jakim jon čaplajecca za kletku, za receptar), dazvalaje jamu abychodzić imunnuju abaronu.
Pradstaŭnik Ministerstva taksama adznačyła: pa niekatorych dadzienych «amikron» źmianiŭ svaju mietodyku praniknieńnia ŭ kletki i tamu vielmi chutka pierasoŭvajecca pamiž imi.
Havoračy pra simptomy novaha štamu, Kratkova adznačyła, što «amikron» bolš kranaje bronchi, branchijoły, u adroźnieńnie ad «delta»-štama, jaki niehatyŭna ŭździejničaje na alviejoły.
— Adpaviedna, piać asnoŭnych simptomaŭ. Kašal — heta čaściej za ŭsio, u 80 % vypadkaŭ rehistrujecca. Pryčym kašal suchi, redki kašal. Akramia taho, mahčymy hałaŭny bol. Stamlalnaść, stomlenaść, nasmark, zakładzienaść nosu i prykmiety kanjunktyvitu. Heta najbolš raspaŭsiudžanyja simptomy, jakija charakternyja dla «amikrona»,
— źviarnuła ŭvahu pieršy namieśnik ministra.
Ad redakcyi: Cikava, adnak, što jakoj by kantahijoznaściu, to-bok zaražalnaściu nie vałodali roznyja štamy, u Biełarusi jany ŭsie vielmi dyscyplinavanyja. Što mienš kantahijoznaja «delta», što vielmi kantahijozny «amikron» ćviorda viedajuć svaju vierchniuju miažu — nie bolš za 2000 zaražeńniaŭ u dzień. Uščylnuju da jaje, byvaje, padychodziać, ale pierasiahać nichto pakul nie advažvajecca. Prynamsi, pavodle aficyjnaj statystyki Minzdaroŭja.
Čytajcie taksama:
U vielmi padazronaj statystycy Minzdaroŭja kolkaść dzionnych vypadkaŭ kavidu znoŭ nabliziłasia da 2000
Łukašenka: Idealna, z majho punktu hledžańnia, kab usie pierachvareli na amikron
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak4
Kamientary