Tym časam CVK rapartuje, što papiarednie na refierendumie ŭžo prahałasavała 42,93% biełarusaŭ
Heta krychu mienš, čym ahučvaŭ sam Łukašenka, kali kazaŭ, što refierendum moža farmalna adbycca jašče da asnoŭnaha dnia hałasavańnia, kali daterminova prahałasuje 51%.
27 lutaha — asnoŭny dzień hałasavańnia. Refierendum budzie adbyvacca nie tolki va ŭmovach tatalnaj niesvabody, ale i va ŭmovach vajny va Ukrainie i źviazanym ź joj vialikim hramadskim napružańniem. Imiony siabraŭ kamisij zasakrečanyja, niezaležnych naziralnikaŭ ad biełaruskaha hramadstva na ŭčastkach nie budzie. Čakajecca, što ŭčastki budzie abaraniać (ad kaho?) nie tolki milicyja, ale i narodnyja družyńniki.
Pry hetym, kab stvaryć maksimalna niekamfortnyja ŭmovy dla vybarščykaŭ pad vyhladam antykavidnych zachadaŭ, na samich kabinkach dla hałasavańnia nie budzie firanak. A stoł dla hałasavańnia budzie ŭstanoŭleny pad nachiłam, kab kožny prysutny moh ubačyć, pobač ź jakim varyjantam adkazu vybarščyk pastavić kryžyk na «tajemnym» hałasavańni.
Raniej demakratyčnyja siły zaklikali stavić kryžyki nasuprać abodvuch varyjantaŭ, robiačy biuleteń niesapraŭdnym.
Jość i jašče adno navatarstva — afarbavany advarotny bok biuletenia. Jak tłumačyli «Našaj Nivie» abaznanyja ludzi, heta moža być zroblena, kab prostym členam kamisij ciažej było zrazumieć, jak hałasavali ludzi. Koler robić papieru mienš prazrystaj.
Bolš taho, niahledziačy na toje, što źmieny prymajucca ŭ hałoŭny zakon dziaržavy, hramadzianie Biełarusi, jakija ŭ hety momant znachodziacca za miežami krainy, prahałasavać nie zmohuć.
26 lutaha Śviatłana Cichanoŭskaja zaklikała apanientaŭ Alaksandra Łukašenki ŭ dzień hałasavańnia la vybarčych učastkaŭ vykazać pratest suprać vajny Rasii z Ukrainaj.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary