Mikita Mikada raskazaŭ, što ŭ Irpieni zahinuła supracoŭnica startapa, i zaklikaŭ rabić usio dla padtrymki Ukrainy
Biełaruski IT-biznesmien Mikita Mikada napisaŭ post u Instahram pra zahinułuju padčas evakuacyi z Ukrainy supracoŭnicu startapa, u jaki jon inviestavaŭ.
«Taćciana Pierabijnos i dvoje jaje dziaciej byli zabityja minamiotnym snaradam padčas evakuacyi z horada Irpień. Taćciana kiravała finansami ŭ IT-startapie. Nas źviazvała toje, što ja ŭ hetym startapie inviestar. Na žal, jaje siamja nie mahła pakinuć Irpień raniej z-za chvoraj mamy.
Taćcianu i jaje dziaciej užo nie viarnuć, ale jašče možna praduchilić śmierci inšych ludziej. Jak? Tak, jak vy možacie.
Chtości achviaruje ŭ dabračynnyja arhanizacyi. Ja — u NovaUkraine.
Chtości dapamahaje Uzbrojenym siłam Ukrainy.
Chtości sprabuje dastukacca da žycharoŭ RF.
Chtości idzie na mitynh, nie bajučysia palicejskich dubinak i sutak.
Chtości ŭstaloŭvaje siabram i blizkim VPN, kab tyja mahli dastać svaje hałovy z pucinskaha «tele-azadka».
Kali łaska, rabicie što-niebudź», — napisaŭ zasnavalnik PandaDoc.
Evakuacyja žycharoŭ Irpienia FOTY
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary