Hałoŭčanka zaklikaŭ Mišuścina na fonie sankcyj paskoryć miery pa padtrymcy Biełarusi
Premjer-ministr Biełarusi Raman Hałoŭčanka raźličvaje, što Rasija paskoryć realizacyju mier pa padtrymcy krainie ŭ suviazi z pašyreńniem sankcyj. Pra heta kiraŭnik biełaruskaha ŭrada skazaŭ, sustrakajučysia z premjer-ministram Rasii Michaiłam Mišuścinym, piša TASS.
«U hetych umovach treba dziejničać chutka i ŭzhodniena. Z ulikam vysokaj uraźlivaści biełaruskaj ekanomiki da źniešnich šokaŭ, raźličvajem na padtrymku Rasijskaj Fiederacyi ŭ hety niaprosty etap», — adznačyŭ Hałoŭčanka.
Premjer-ministr Biełarusi ličyć, što nadyšła «vostraja nieabchodnaść apieratyŭnaj realizacyi tych mier padtrymki, jakija płanavalisia «na paśla».
«Heta i pieranos restrukturyzacyi kredytnaj zapazyčanaści pa dziaržaŭnych kredytach ŭrada i finansavych instytutaŭ Rasii, heta pierachod na novuju sistemu cenaŭtvareńnia na rasijskuju naftu, jakaja zabiaśpiečvała b stabilnuju pracu biełaruskich NPZ ź minimalnaj rentabielnaściu, heta i našy prapanovy pa fiksacyi cany na pryrodny haz dla Respubliki Biełaruś u rasijskich rublach z pryviazkaj da dziejučych aptovych cen na haz dla susiednich rasijskich rehijonaŭ», — rastłumačyŭ premjer Biełarusi.
Taksama, praciahnuŭ jon, Minsk prapanuje naraścić pastaŭki biełaruskaj mašynabudaŭničaj pradukcyi na rasijski rynak, u tym liku «praź źniaćcie administracyjnych abmiežavańniaŭ».
Akramia taho, Hałoŭčanka ličyć važnym «udzieł Biełarusi ŭ realizacyi prahram impartazamiaščeńnia», a taksama «paŭnavartasny ŭdzieł abaronnaha siektara ekanomiki Biełarusi ŭ realizacyi mierapryjemstvaŭ dziaržabaronzakazu Rasijskaj Fiederacyi, źniaćcie administracyjnych barjeraŭ u śfiery vajenna-techničnaha supracoŭnictva».
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik48
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1010
Kamientary