Ministr finansaŭ: Rasija adterminavała vypłaty pa kredytach na 5—6 hadoŭ, a padatkovych kanikuł nie budzie
Ministr finansaŭ Biełarusi Juryj Sielivierstaŭ daŭ intervju telekanału «Biełaruś 1» pra toje, jak budzie raźvivacca ŭ bližejšaj pierśpiektyvie naša finansava-kredytnaja sistema.
Hałoŭnaje, što było im skazana padčas hetaha intervju:
- Rasija adterminavała Biełarusi pahašeńnie abaviazacielstvaŭ pa dziaržkredytu na 5—6 hadoŭ;
- Havorka ab pierachodzie Biełarusi na rasijski rubiel nie idzie;
- Taja situacyja, jakaja zaraz raźvivajecca, mnohich padšturchnie da taho, kab adyści ad dołara;
- Nijakich padatkovych kanikuł u Biełarusi nie budzie — treba farmiravać biudžet;
- Płaciažy ŭ biudžet za studzień—luty skłali kala 17% hadavoha płana;
- Čakajecca, što pakazčyk biudžetnych dachodaŭ niedabiare kala 10%;
- Padtrymka budzie akazanaja tym siektarach, jakija ŭ hetym majuć patrebu, kab pieraaryjentavacca na novyja rynki i zamiaścić impartny składnik u ajčynnaj pradukcyi; ️ ️
- Kropkava mohuć być pryniatyja rašeńni pa adterminoŭcy vypłaty padatkovych płaciažoŭ.
Adnosna adterminavańnia vypłaty rasijskaha kredytu ministr skazaŭ:
«Abmierkavana i prapanavana častku płaciažoŭ zrušyć pa bolš kamfortnych terminach, jakija ŭzajemaprymalnyja dla našych krain, zrušyć ich napierad ad piaci da šaści hadoŭ. Pa sutnaści, my majem pieranos terminaŭ, jaki dazvolać nam u dadzieny momant nie adciahvać resursy dla taho, kab my absłuhoŭvali našyja abaviazacielstvy i pahašali ich z našymi partniorami z Rasii».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu15
Kamientary