Bajraktar suprać rasijskaha SPA: čamu armija RF akazałasia praktyčna biaśsilnaj

Aŭstryjski vajenny analityk i ekśpiert u avijacyi Tom Kupier apisaŭ, čamu ŭkrainskija MiH-29 i Su-27 nie takija efiektyŭnyja, jak udarny BPŁA Bayraktar TB2. Pra heta jon napisaŭ na svajoj staroncy ŭ Facebook, piša focus.ua.

Na dumku ekśpierta, avijaŭdary VPS Ukrainy pry dapamozie Su-24 i Su-25 — nie samaje lepšaje rašeńnie. Ataki z užyvańniem Bayraktar TB2 značna efiektyŭniejšyja.

Rasijskaja armija pieraacaniła svaje mahčymaści pa pierachopie «Bajraktaraŭ»

Jak piša aŭtar, rasijski Hienštab «ciešyŭ siabie iluzijami», što ich SPA zmoža procidziejničać vysokatechnałahičnym bieśpiłotnikam. Procidziejničać BPŁA pavinny srodki supraćpavietranaj abarony typu «Pancyr», «Tor» i «Buk» razam sa srodkami radyjoelektronnaj baraćby i bajavoj avijacyjaj.

Vierahodna, turki za čas prymianieńnia ich BPŁA ŭ Livii, Siryi i Azierbajdžanie palepšyli ich.

U vyniku:

— rasijskaja armija nie maje efiektyŭnaj stratehii dla procidziejańnia bieśpiłotnikam;

— ukrainskija apieratary «Bajraktaraŭ» vykarystoŭvali adsutnaść stratehii dla źniščeńnia pieradavych srodkaŭ SPA RF;

— mnohija padraździaleńni US RF na ŭsich troch asnoŭnych linijach frontu apynulisia biezabaronnymi pierad TB2.

Jak Ukraina skarystałasia pieravahaj Bayraktar TB2

Paśla źniščeńnia pieradavych srodkaŭ SPA RF ukrainskija vajskoŭcy pierajšli da šerahu inšych zadač.

Jany pačali pravodzić aeraraźviedku i padtrymlivać vojska ŭ blizkim bai.

U pryvatnaści, pad Kijevam było źniščana šmat braniatankavych padraździaleńniaŭ RF. Na poŭdni nanieśli ŭdar pa aeraporcie ŭ Čarnabajeŭcy. Adsačyli i źniščyli adzin sa štaboŭ 35-j armii RF, źniščyli niekalki srodkaŭ REB i štaboŭ bolš drobnaha ŭzroŭniu.

Čamu tak atrymałasia?

Bieśpiłotniki Bayraktar TB2 składana hłušyć za košt vykarystańnia spadarožnikavaj suviazi z nakiravanymi antenami.

Kanstrukcyja BPŁA praktyčna nie vypramieńvaje infračyrvonych chval, tamu ich składana adsačyć.

«Ruskija nie zdolnyja navat zaŭvažyć «Bajraktary», nie toje kab adsačyć ich. Da taho ž, choć na terytoryi Ukrainy pieravažajuć raŭniny, jość taksama schiły, lasy i budynki, jakija dadajuć pieraškod na radarach. Heta dazvalaje TB.2 nabližacca da celaŭ całkam niezaŭvažna», — padkreślivaje Kupier.

Taksama «Bajraktar» zdolny znachodzicca ŭ pavietry kala 24 hadzin, a heta aznačaje, što pry aptymalnaj chutkaści jon zdolny pralacieć 3000 km. Taksama jon moža zavisnuć u pavietry na miescy, kali hetamu budzie spryjać viecier.

Pavialičyć

Bieśpiłotnik moža prylacieć u lubuju kropku, RF prosta nie moža adsočvać usiu vielizarnuju pavietranuju prastoru Ukrainy. Navat kali b u kožnaha sałdata RF «było pa 20 vačej».

Tamu Tom Kupier raić Ukrainie pakinuć sproby zajmieć MiHi z Polščy ci Bałharyi sa Słavakijaj.

«Dajcie Ukrainie dastatkova TB2 abo bieśpiłotnikaŭ z anałahičnymi mahčymaściami: skažam, drony-kamikadze ci inšuju kryłatuju vysokadakładnuju zbroju. Voś što sapraŭdy «pracuje»: voś što nanosić rasijanam vialikuju škodu, voś što łamaje ich psichałahična i źniasilvaje, a jašče navat u praciahłaj vajnie pryvodzić da strat žyvoj siły i ŭzbrajeńnia, ad jakich jany ŭžo nie ačuniajuć», — reziumuje ekspert.

Nahadajem, ZŠA pieradaduć Ukrainie bieśpiłotniki-kamikadze Switchblade. 21 sakavika 13 krain Zachadu padpisali zajavu ab madernizacyi SPA Ukrainy.

Kali skončycca vajna i jak možna nablizić pieramohu? Ukrainski pohlad

• 10
• 0
• 0
• 0
• 0
• 0
• 0
• 0