Minabarony Rasii: Hałoŭnaja zadača rasijskich vajskoŭcaŭ va Ukrainie — vyzvaleńnie Danbasa
Načalnik hałoŭnaha apieratyŭnaha ŭpraŭleńnia Hienštaba US RF Siarhiej Rudskoj siońnia pravioŭ bryfinh u Ministerstvie abarony, dzie zrabiŭ niekalki zajaŭ. U pryvatnaści jon skazaŭ, što rasijskaja armija «nie płanavała» šturm akružanych ukrainskich haradoŭ, adnak dapuskaje takuju mahčymaść.
Pa jaho słovach, rasijskija vojski poŭnaściu abo častkova akružyli ceły šerah bujnych ukrainskich haradoŭ — Charkaŭ, Čarnihaŭ, Sumy, Maryupal, prasunulisia z dvuch napramkaŭ na Kijeŭ. Hetyja harady padviarhajucca abstrełam i bambardziroŭcy, ale całkam avałodać imi rasijskaja armija pakul nie zmahła.
Zachodnija vajennyja ekśpierty pakazvali, što dla poŭnaj błakady, nie kažučy ŭžo pra šturm, takoha bujnoha horada jak Kijeŭ najaŭnaj kolkaści rasijskich vojskaŭ niedastatkova.
«Pieršapačatkova my i nie płanavali ich šturm, kab nie dapuścić razbureńniaŭ i minimizavać straty siarod asabistaha składu i mirnaha nasielnictva», — skazaŭ Rudskoj.
«I choć takuju mahčymaść my nie vyklučajem, adnak pa miery vykanańnia asobnymi hrupoŭkami pastaŭlenych zadač, a jany vyrašajucca paśpiachova, našy siły i srodki buduć kancentravacca na hałoŭnym — poŭnym vyzvaleńni Danbasa», — skazaŭ hienierał.
Mienavita Rudskoj i nazvaŭ siońnia kolkaść strataŭ siarod rasijskich vajskoŭcaŭ: 1351 čałaviek zahinuŭ i 3825 paranienyja.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm11
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary