Što takoje ORDŁO i ŭ čym roźnica pamiž BTHr i BTR? Hajd pa terminach i abrevijaturach vajny va Ukrainie
Tłumačalny słoŭnik siońniašniaha trahičnaha času.
NATA/NATO /Paŭnočnaatłantyčny aljans — vajenna-palityčny błok zachodnich krain, kudy ŭvachodziać ZŠA, Kanada i bolšaść krain Jeŭropy.
OP — Ofis prezidenta Ukrainy.
VR — Viarchoŭnaja Rada Ukrainy.
MO (ukr, rus) — Ministerstva abarony.
VMS — Vajenna-marskija siły.
OOS (ukr, rus) — Apieracyja abjadnanych sił, kompleks vajennych i śpiecyjalnych arhanizacyjna-pravavych mierapryjemstvaŭ ukrainskich siłavych struktur, nakiravanych na procidziejańnie dziejnaści rasijskich i prarasijskich uzbrojenych farmavańniaŭ u chodzie vajny na terytoryi Łuhanskaj i Danieckaj abłaściej.
DNR i ŁNR — «Danieckaja narodnaja respublika» i «Łuhanskaja narodnaja respublika», nazvy samaabvieščanych respublik na terytoryjach Danieckaj i Łuhanskaj abłaściej.
ATO (ukr, rus) — Antyterarystyčnaja apieracyja, tak ukrainskija ŭłady peŭny čas nazyvali vajnu na Danbasie. Terytoryi samaabvieščanych DNR i ŁNR časta nazyvali «zonaj ATO».
«Azov» (ukr, rus) — taksama «połk «Azov» albo «okriemij zahin śpiecialnoho priznačieńnia «Azov». Asobny atrad śpiecyjalnaha pryznačeńnia, stvorany ŭ 2014 hodzie ŭ Maryupali.
U «Azoŭ» sapraŭdy ŭvachodzili členy ultrapravych arhanizacyj, praz heta rasijskaja prapahanda pastajanna nazyvaje ŭsich bajcoŭ pałka nieanacystami.
SSO (ukr, rus) — Siły śpiecyjalnych apieracyj.
OVA (ukr, rus) — abłasnaja vajennaja administracyja
KMDA(ukr)/ KHDA (bieł)/ KHHA (rus) — Kijeŭskaja haradskaja dziaržaŭnaja administracyja.
OHP — Ofis hienieralnaha prakurora Ukrainy.
DBR (ukr)/ HBR (rus) — Dziaržaŭnaje biuro raśledavańniaŭ Ukrainy, anałah biełaruskaha Śledčaha kamiteta.
HTS (ukr, rus) — hazatranspartnaja sistema Ukrainy. Składajecca z hazapravodaŭ, raźmierkavalnych sietak, hazaschoviščaŭ, kampresijnych i hazavymiaralnych stancyj.
«Dija» (ukr) — ukrainski elektronny siervis i mabilnaja prahrama dla karystańnia dziaržpasłuhami.
Rashvardyja — rasijski anałah ukrainskaj Nachvardyi. Da vajny šyroka vykarystoŭvałasia rasijskaj uładaj dla razhonu mitynhaŭ.
DRH (ukr, rus) — dyviersijna-raźviedvalnaja hrupa. Zvyčajna nievialikaje padraździaleńnie śpiecyjalnaha pryznačeńnia, jakoje vykarystoŭvajecca dla raźviedki i dyviersij u tyle praciŭnika.
DŠV i DŠB (rus) — desantna-šturmavyja vojski. DŠB — desantna-šturmavaja bryhada, padraździaleńnie pavietrana-desantnych vojskaŭ, jakoje śpiecyjalizujecca na šturmavych zachopach.
BBM — bajavaja braniravanaja mašyna.
BMP — bajavaja mašyna piechoty, pryznačanaja dla pieravozki desanta i ahniavoj padtrymki jaho ŭ bai.
BTR — bronietransparcior, bajavaja mašyna, pryznačanaja dla transparciroŭki piechoty. Maje słabiejšaje ŭzbrajeńnie ŭ paraŭnańni z BMP.
MTŁB (rus) — šmatmetavy płavajučy bronietransparcior. Moža pieravozić ludziej i hruzy, vykarystoŭvacca ŭ roli artyleryjskaha ciahača.
PPO (ukr)/ PVO (rus) — supraćpavietranaja abarona (SPA).
BpŁA (ukr, rus) — bieśpiłotnyja aparaty, albo drony. Lehiendarnyja «Bajraktary» ŭ tym liku.
PTRK (ukr, rus) — supraćtankavy rakietny kompleks (STRK).
Ka-52 — bajavy viertalot rasijskaj vytvorčaści.
An-225 «Mrija» — samy vialiki ŭ śviecie transpartny samalot.
Znachodziŭsia va Ukrainie, byŭ źniščany 25 lutaha 2022 hoda padčas bambardziroŭki rasijanami aeraporta «Antonaŭ» u Hastomieli.
T-72, T-80 — nazvy madelaŭ tankaŭ.
Rakieta typu «Ch» — avijacyjnaja rakieta małoj dalokaści, zapuskajecca z samalota pa naziemnych abjektach.
«Točka-U» — bajavy rakietny kompleks, časta tak nazyvajuć tolki samu kiravanuju rakietu.
NLAW — pieranosnaja supraćtankavaja kiravanaja rakieta šviedska-brytanskaj vytvorčaści.
«Stinger»/«Stynhier» — amierykanski pieranosny supraćrakietny kompleks.
M-72 — supraćtankavy hranatamiot.
«Urahan», «Śmierč» — anałahi «Hrada», ale z bolšym kalibram i bolš šyrokim śpiektram bojeprypasaŭ.
«Pancyr-S1» — rasijski samachodny zienitny rakietna-harmatny kompleks.
«Pancyr-S1», zachopleny va Ukrainie. Fota: kamandavańnie sił śpiecyjalnych apieracyj US Ukrainy
«Kinžał» — rasijski hipierhukavy avijacyjny rakietny kompleks. Źjaŭlajecca avijacyjnym varyjantam kompleksu «Iskander».
«Bastyjon» — rasijski bierahavy rakietny kompleks, u asnoŭnym vykarystoŭvajecca dla paražeńnia nadvodnych karabloŭ.
S-300 — zienitna-rakietny kompleks, raspracavany jašče ŭ SSSR. Asnoŭnaje pryznačeńnie — supraćpavietranaja abarona.
Termabaryčnyja bojehałoŭki vybuchajuć u dva etapy. Spačatku vykidvajecca zapalenčaja sumieś u formie aerazolu, zatym vybuchaje inšaja častka, jakaja padryvaje raspyleny vakoł aerazol. Z-za takoha dziejańnia termabaryčnyja bojeprypasy vałodajuć značna bolš mahutnaj siłaj paražeńnia i vybuchnoj chvalaj.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary