Daviedalisia, što zaraz z topavaj vizažystkaj Volhaj Tominaj, jakuju zatrymali
Štodzień robić zaradku, 200 prysiadańniaŭ i 200 presu, maluje ŭsim u kamiery strełki i vusny — daviedalisia, što zaraz z topavaj vizažystkaj Volhaj Tominaj i ŭ čym jaje abvinavačvajuć.
Volhu Tominu zatrymali 9 sakavika. Nieŭzabavie na telehram-kanale siłavikoŭ źjaviłasia videa ź jaje dopytam, a ŭ jaje instahramie z bolš čym 500 tysiačami padpisantaŭ — post, dzie było napisana: «Čyścicie stužku, pavažanyja. Akazałasia, heta nie hulnia. Insta — zło».
Žančyna stała padazravanaj u miežach «narodnaha» 342-ha artykuła KK (arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich) i paśla Akreścina apynułasia ŭ SIZA na Vaładarcy, dzie znachodzicca i pa siońnia.
U videa na telehram-kanale, što źviazany ź biełaruskimi siłavikami, žančyna prakamientavała, što chadziła na mitynhi dziela praŭdy, bo joj było kryŭdna, što źbivajuć ludziej.
«Našaj Nivie» raspaviali, što zatrymlivali Volhu hruba, ale nie bolš za toje: «Pryjšli ranicaj z paniatymi, praviali pieratrus».
Na Akreścina dziaŭčyna adčuvała siabie drenna i fizična, i emacyjna.
«Pieršy dzień u IČU tresła. Nie mahła sabracca z dumkami. U SIZA ŭsio namnoha praściej, jak by heta ni hučała. U mianie jość svoj «łožak» na druhim paviersie, knihi, hrabianiec i navat… krem! Žartuju, što ŭ paraŭnańni ź IČU tut stolki ŭsiaho, što heta miesca padajecca sanatoryjem», — piša žančyna ŭ listach.
«Na Vaładarcy joj lepš, adčuvaje siabie dobra, badziora i ducham nie padaje. I pa tradycyi doryć svoj pazityŭ i ciepłyniu sukamiernicam. Vola jana takaja, jaje niemahčyma nie lubić», — kažuć znajomyja.
Volha pryznana palitviaźniem.
U Volhi troje dziaciej — dočkam 13 hod, synu — 11. Jany viedajuć, što maci ŭ turmie, ale jak i svajaki, i advakat, pakul nie prahnazujuć, kali i čym heta historyja skončycca.
Volha Tomina — viadomaja vizažystka i stylistka, bjuci-błohierka i biznes-ledzi, zasnavalnica studyi i škoły makijažu ANATOMIA. Jaje majstar-kłasy prachodzili pa ŭsim śviecie. Da taho jak stać vizažystam, skončyła ekanamičny fakultet i vyvučyłasia na hrafičnaha dyzajniera.
Adna z prac Volhi
Adras dla listoŭ: Volzie Alaksandraŭnie Tominaj, SIZA №1, vuł. Vaładarskaha, 2, h. Minsk, 220030
Čytajcie jašče:
«Naša Niva» adnaŭlaje zbor danataŭ — padtrymać prosta
-
«Łukašenku nielha nazvać navat małodšym partnioram Pucina». Kit Kiełah raskazaŭ pra rolu Łukašenki ŭ pieramovach ZŠA i Rasii
-
U Barysavie dziacieł zaniaŭsia dyzajnam fasadaŭ i nie daje žycharam zranku spać
-
«Tak zvanaja postpienitencyjarnaja adaptacyja». Departavany palitviazień Kiryła Paźniak apublikavaŭ svajo FOTA z dočkami
Kamientary