Zialenski: U Baradziancy jašče bolš achviaraŭ rasijskich akupantaŭ, čym u Bučy
Prezident Ukrainy Uładzimir Zialenski zajaviŭ, što ŭ miastečku Baradzianka Kijeŭskaj vobłaści jašče bolš achviaraŭ rasijskich akupantaŭ, čym u Bučy, fota i videa ź jakoj šakavali śviet.
«Pačalisia raboty jašče i pa razbory zavałaŭ u Baradziancy. Tam usio značna strašniej (čym u inšych vyzvalenych haradach Kijeŭskaj vobłaści). Jašče bolš achviaraŭ rasijskich akupantaŭ. A što ž budzie, kali śviet daviedajecca ŭsiu praŭdu pra toje, što rasijskija vajskoŭcy zrabili u Maryupali? Tam amal na kožnaj vulicy — toje, što śviet ubačyŭ u Bučy i inšych haradach Kijeŭskaj vobłaści paśla sychodu rasijskich vojskaŭ. Takaja ž žorstkaść. Takija ž strašnyja złačynstvy», — skazaŭ Zialenski ŭ videazvarocie.
7 krasavika ŭ Baradziancy znajšli 26 ciełaŭ zahinułych mirnych žycharoŭ.
Jak adznačyła hienprakuror Ukrainy Iryna Vieniadziktava, heta «samy razburany horad Kijeŭščyny: pa im bili niekiravanymi 250-kiłahramovymi fuhasnymi avijabombami, «Urahanami» i «Śmierčami»:
«Dokazy vajennych złačynstvaŭ RF tut na kožnym kroku: pad aptekaj zabaronienaja kasietnaja bomba, uzdoŭž darohi — spalenaja transpartnaja zaradnaja mašyna «Śmierča», a pad joj rakieta, jakaja lacić da 90 km i niasie śmierć i ruiny», — skazała Vieniadziktava, dadaŭšy, što kolkaść achviaraŭ siarod mirnaha nasielnictva ciažka pradkazać.
Raniej mer Bučy Anatol Fiedaruk zajaviŭ, što sabrali 320 ciełaŭ zabitych. Identyfikavali 163 čałaviek.
Ciapier čytajuć
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary