Recept na vychadnyja. Anhlijski piroh banofi — banany i karamiel pad lohkaj šapkaj z uźbitych viarškoŭ
Ideja dvuch brytancaŭ sumiaścić u adnym pirahu banany, karamielny sous i viarški akazałasia nastolki ŭdałaj, što ciapier hety recept viedajuć va ŭsim śviecie. Banofi byŭ lubimym łasunkam Marharet Tetčar, i jaje možna zrazumieć — ustrymacca ad takoha smakoćcia nu prosta niemahčyma, dy i pryhatavać jaho možna vielmi prosta.
Fota: BBC Food
Kab pryhatavać piroh banofi, vam spatrebicca:
- 75 hramaŭ masła dla asnovy + jašče 150 hramaŭ dla karamieli,
- 200 hramaŭ piasočnaha piečyva,
- 150 hramaŭ cukru (lepiej brać tryśniahovy, dla koleru),
- 400 hramaŭ zhuščonaha małaka,
- drobka marskoj soli,
- 2 śpiełyja banany,
- 150 mililitraŭ hustych viarškoŭ,
- 100 hramaŭ ciortaha małočnaha šakaładu.
- Pačniom ź biskvitnaj asnovy. U patelni siaredniaha pamieru rastapicie 75 hramaŭ masła. Pakładzicie piečyva ŭ pakiet (naprykład, cełafanavy) i zdrabnicie jaho kačałkaj abo vykarystoŭvajcie dla hetaha kuchonny kambajn ci blendar.
- Źmiašajcie zdrobnienaje piečyva z rastoplenym masłam. Pakładzicie sumieś na dno formy sa zdymnym dnom dyjamietram 23 santymietry, ščylna pryciśnicie jaje da dna formy i da bakoŭ. Pastaŭcie asnovu ŭ chaładzilnik na 30 chvilin, kab jana zastyła.
- U hety čas zrabicie karamiel. U satejniku z toŭstym dnom razahravajcie na siarednim ahni razam 150 hramaŭ masła i takuju ž kolkaść cukru, pakul masła nie rastanie i cukar nie rastvorycca. Pieramiešvajcie masu: spačatku masła i cukar nie buduć źmiešvacca, ale pa miery tajańnia cukru sumieś stanie bolš adnarodnaj.
- Umiašajcie ŭ sumieś zhuščonaje małako i marskuju sol.
- Daviadzicie ŭsio da kipieńnia i potym zdymicie z ahniu.
- Dastańcie z chaładzilnika hatovuju asnovu dla piraha i vylejcie na jaje karamiel. Pieraniasicie ŭsio ŭ chaładzilnik i dajcie pirahu całkam astyć.
- Pierad padačaj narežcie banany i pakładzicie ich na karamiel. Uźbivajcie viarški miksieram, pakul jany nie zahuściejuć. Vykładzicie viarški na banany.
- Pasypcie piroh ciortym šakaładam i aściarožna dastańcie jaho z formy.
«Naša Niva» adnaŭlaje zbor danataŭ — padtrymać prosta
Čytajcie taksama:
Recept na vychodnyja: pastuchoŭ piroh
Recept na śviaty. Zapiečany kumpiak ci łapatka — sapraŭdnaje ŭpryhožvańnie stała
Aryštavany 75‑hadovy Źmicier Sańko — vieteran-vydaviec3
Kamientary