Sioleta na fakultet žurnalistyki BDU na śpiecyjalnaści «žurnalistyka» i «žurnalistyka mižnarodnaja» možna budzie pastupić tolki na biudžet. Płatnaj formy nie praduhledžvajecca. Z čym źviazanaja takaja palityka VNU, raskazaŭ padčas pres-kanfierencyi načalnik hałoŭnaha upraŭleńnia prafiesijnaj adukacyi Ministerstva adukacyi Biełarusi Siarhiej Kaśpiarovič. Akazałasia, što ŭ hałavie ciapier patreby tolki dziaržaŭnaj presy.
Čynoŭnik spačatku panarakaŭ na toje, što z płatnaj formaj uvohule šmat kłopatu:
«Farmiravańnie ličbaŭ pryjomu na biudžetnuju i płatnuju formy — heta surjoznaja i karpatlivaja praca, źviazanaja z analizam patreby adpaviednych arhanizacyj, damovaŭ, jakija zaklučanyja va ŭstanovie adukacyi z zakazčykami kadraŭ».
A dalej u tłumačeńni prahučali vyraznyja ideałahičnyja notki:
«Siońnia akcent dziaržaŭnaj infarmacyjnaj palityki robicca ŭ bok raźvićcia dziaržaŭnych ŚMI. Va ŭsich abituryjentaŭ jość prava ŭdzielničać u konkursie i pastupić na biudžetnuju formu i, adpaviedna, zatym być raźmierkavanymi ŭ lubuju arhanizacyju infarmacyjnaha siektara. U pieršuju čarhu — zakazčyka kadraŭ».
Vidać, pamknieńniami, kab 100% vypusknikoŭ žurfaka prachodzili dziaržaŭnaje abaviazkovaje raźmierkavańnie, to-bok lišnija niekalki hadoŭ znachodzilisia pad dadatkovym kantrolem, i tłumačycca hetaje rašeńnie.
Pry hetym Kaśpiarovič adznačyŭ, što «pryjom na śpiecyjalnaść «žurnalistyka» taksama jość i ŭ inšych ustanovach adukacyi. Naprykład — u Hrodzienskim dziaržaŭnym univiersitecie imia Janki Kupały». A ŭ cełym pa VNU niama tendencyi da skaračeńnia płatnych miescaŭ.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary