Sudovy praces pačniecca ŭ Hrodnie 16 maja.
Pra heta paviedamiŭ u Fejsbuku pravavabaronca Siarhiej Sys.
Mikołu Aŭtuchoviča i, vierahodna, jaho hrupu buduć sudzić pavodle art. 289 Kryminalnaha kodeksa («akt teraryzmu»).
Mikałaja Aŭtuchoviča i šerah źviazanych ź im ludziej zatrymali jašče 1 śniežnia 2020 hoda. Ułady adrazu abviaścili Aŭtuchoviča arhanizataram i kiraŭnikom «terarystyčnaj hrupoŭki», jakaja dziejničała na terytoryi Hrodzienskaj vobłaści i nibyta padpalvała aŭtamabili i damy supracoŭnikaŭ milicyi.
Spačatku Śledčy kamitet raspačaŭ kryminalnuju spravu pavodle č. 2 art. 218 KK (naŭmysnaje paškodžańnie majomaści, učynienaje ahulnaniebiaśpiečnym sposabam). Potym Hienprakuratura pierakvalifikavała jaho na č. 1 art. 289 (akt teraryzmu), što praduhledžvaje pazbaŭleńnie voli da 15 hadoŭ.
Usiaho pa «spravie Aŭtuchoviča» prachodziać 12 čałaviek. Adzin ź ich — Uładzimir Hundar, jaki maje invalidnaść, 20 maja 2021 hoda asudžany pa art. 366 Kryminalnaha kodeksa (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki,) da troch hadoŭ pazbaŭleńnia voli ŭ kałonii ahulnaha režymu.
Da novaha zatrymańnia Mikałaj Aŭtuchovič ahułam adbyŭ u źniavoleńni rekordny dla biełaruskich palitviaźniaŭ termin — 7 hadoŭ i 5 miesiacaŭ.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?11
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary