Vybar varyjantaŭ dla adpačynku vialiki, ale samyja pryvabnyja miescy branirujuć užo za niekalki miesiacaŭ da siezona, piša «Kamsamołka».
Nacyjanalny park prapanuje spynicca ŭ trochzorkavym haściničnym kompleksie «Narač» (da 113 haściej), utulnaj haścinicy-aŭtakiempinhu «Narač» (da 40 haściej) i haściavych damach i katedžach na 4, 6 i 8 miescaŭ.
Adnapakajovy adnamiesny numar u hateli — 53 biełaruskija rubli za sutki, pražyvańnie ŭdvaich u dvuchmiesnych numarach — ad 97 da 177 rubloŭ u zaležnaści ad kłasa numara, dadatkovaje miesca — ad 50 da 80 rubloŭ.
Aŭtakiempinh «Narač» raźmieščany ŭ malaŭničym sasnovym bary na bierazie adnajmiennaha voziera za 12 km ad kurortnaha pasiołka Narač, jaho terytoryja składaje bolš za 30 hiektaraŭ. Tam jość haścinica (da 40 čałaviek), dva damki na 4-6 čałaviek kožny, turystyčnaja stajanka — u letni pieryjad i stajanka dla aŭtadoma.
Dvuchmiesny numar u hateli kaštuje 97 rubloŭ, čatyrochmiesny — 208 rubloŭ. Nievialikaja 4-miesnaja chatka abydziecca ŭ 150 rubloŭ za sutki (dadatkovaje miesca — 19 rubloŭ). Samy tanny varyjant u aŭtakiempinhu — modul na 38 miescaŭ, tam 14 numaroŭ. Košt na čałavieka — ad 19 da 22 rubloŭ. Ale sanvuzieł tam ahulny, tak što heta varyjant dla adnaho-dvuch načlehaŭ.
Dva adnatypnyja dvuchpaviarchovyja katedžy vioski Antaniźbierh raźmieščanyja za 850 mietraŭ ad voziera. Damy padzielenyja na dźvie častki, u kožnaj pałovie pa 4 asnoŭnyja miescy (za ŭsio — 140 rubloŭ) + 2 dadatkovyja (1 dadatkovaje miesca — 15,50).
U inšych miescach Nacparka jašče jość haściavyja damy na 6 miescaŭ (220 rubloŭ, dadatkovaje miesca — 18), na 8 čałaviek (270 rubloŭ, dadatkovaje miesca — 17).
Na aziorach jość mahčymaść raźbić namiotavy łahier na turystyčnych stajankach. Usiaho — 20 dobraŭparadkavanych miescaŭ: parkoŭka, altanki, vohniščy, drovy, vyvaz śmiećcia. Košt — 7 rubloŭ za sutki z čałavieka (plus kurortny zbor — 3,20 rub). Apłatu za stajanku aŭtamabilaŭ nie biaruć.
Naprykład, stajanka Antaniźbierh znachodzicca na samoj Naračy, Kačarhi — na voziery Miastra, Struhałapy — na Miadzieli.
Na bierazie voziera Narač jość niekalki sanatoryjaŭ. Cana pucioŭki z pražyvańniem, charčavańniem i lačeńniem na adnaho čałavieka ŭ roznych sanatoryjach moža adroźnivacca ci ledź nie ŭdvaja. U adnym miescy budzie kaštavać kala 80 rubloŭ, u inšym — 125, u trecim — 170. Tut treba hladzieć na ŭzrovień sanatoryja i prapanavanych pasłuh. Miescy volnyja na červień-lipień jość nie ŭsiudy, sa žniŭniem lahčej.
Jak i va ŭsich kurortnych miescach, vakoł azior mnostva miastečak, u jakich možna źniać dom u siadzibie. Tak, naprykład, dvuchpaviarchovy katedž (na 10 čałaviek), jaki znachodzicca za piać chvilin ad azior Narač i Miastra, možna źniać za 260 rubloŭ za sutki. Typovaja siaredniaja cana dla hetych miescaŭ.
Adna ź siadzib prapanuje zusim maleńkija domiki, dzie za try miescy prosiać 100 rubloŭ za sutki. Charčavańnie pastajalcy zabiaśpiečvajuć sami: možacie jeździć u najbližejšyja kaviarni, a možacie hatavać sami.
U asnoŭnym zdajuć damy, u jakich mohuć raźmiaścicca vialikija kampanii ci niekalki siemjaŭ. Tak vychodzić tańniej i viesialej. Ale možna, viadoma, i adnamu źniać dom za ekvivalent 100 dalaraŭ. Telefanavać haspadaram i damaŭlacca treba zahadzia, lepš za miesiac-dva da prybyćcia. Popyt na damy vialiki, i ŭ mnohich miescach jany ŭžo zabraniravanyja da vosieni.
Jość varyjanty, i kali chočacca spynicca ŭ samym kurortnym pasiołku Narač. U 2-5-paviarchovych damach 1-2-pakajovaja kvatera za sutki — 70-80 rubloŭ, 3-pakajovaja — 90-100 rubloŭ.
Adpačynak na Brasłaŭskich aziorach. Kolki ŭ hetym siezonie kaštuje źniać pakoj, dom ci zaniać miesca na turstajancy
Takuju Biełaruś vy jašče nie bačyli: virtualnaje padarožža pa Błakitnych aziorach i Naračanskim parku FOTY i PANARAMY
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary