Matematyčnaja zahadka ź japonskaha hatela dla žyvioł. Vy znojdziecie na jaje adkaz?
Tadaa Kitazava — stvaralnik matematyčnych i łahičnych zahadak ź Japonii, jaki zajmajecca hetym ŭžo bolš za 20 hadoŭ. Siońnia jon prapanuje razhadać sakret japonskaha hatela dla žyvioł — i nie tolki. Praviercie siabie!
1. Hatel dla žyvioł
U našym hateli jość 5 numaraŭ, jakija pranumieravanyja pa paradku — ad 1 da 5. U kožnym pakoi jość svajo śviatło, tam moža raźmiaścicca tolki adna žyvioła. Nočču žyvioła, jakaja niervujecca, pakidaje śviatło ŭklučanym. Žyvioła, jakaja nie niervujecca, vyklučaje śviatło. Kožny z pakojaŭ zaŭsiody zaniaty sabakam ci katom, i paśla nočy jany zaŭsiody vysialajucca z hatela.
a) Viečaram u subotu sabaka niervujecca tolki tady, kali ŭ dvuch susiednich pakojach jość katy. Kot, u svaju čarhu, niervujecca tady, kali chacia b u adnym z susiednich pakojaŭ jość sabaka. Adnoj nočču śviatło hareła ŭ čatyroch numarach. Kolki katoŭ było tady ŭ hateli?
b) Viečaram u niadzielu sabaka niervujecca tolki tady, kali ŭ dvuch susiednich pakojach jość inšyja sabaki. Kot niervujecca tolki tady, kali chacia b u adnym susiednim pakoi jość inšy kot. Adnojčy viečaram u niadzielu śviatło hareła tolki ŭ adnym numary. Kolki katoŭ było tady ŭ hateli?
2. Chłopčyki i dziaŭčatki
Jość šeść dziaciej, jakija cisnuć adzin adnamu ruki, i kožny pocisk ruki adbyvajecca pamiž chłopčykam i dziaŭčynkaj. Kožnaje z čatyroch dziaciej paciskaje ruku dvum astatnim, a kožnaje dzicia z dvuch astatnich paciskaje ruku roŭna trom. Ci paciskajuć hetyja dvoje dziaciej ruki adno adnamu?
3. Siła ŭdačy
Trom dziaŭčynkam — Akary, Sakury i Jui — dajuć dadatnuju cełuju ličbu, jakuju jany trymajuć u sakrecie adna ad adnoj. Im kažuć, što suma ličbaŭ roŭnaja 12. Dziaŭčatki ličać, što «pašancavała» toj ź ich, jakaja maje najbolšuju ličbu. Mahčyma, «pašancavała» adnoj, dvum ci navat trom dziaŭčatam.
Akary kaža: «Ja nie viedaju, kamu pašancavała».
Sakura kaža: «Ja ŭsio jašče nie viedaju, kamu pašancavała».
Jui kaža: «Ja ŭsio jašče nie viedaju, kamu pašancavała».
Akary kaža: «Ciapier ja viedaju, kamu pašancavała!».
Kamu ž pašancavała?
Žadajecie atrymać adkazy na zahadki? Čytajcie ich pad anonsami.
Na hetym zdymku jość dziki kot. Vy jaho bačycie?
Kolki sabak vy bačycie na malunku? Adkaz šmat pra vas kaža
1. a) 3 katy
b) 2 katy
2. Tak
3. Sakura i Jui.
Kamientary