Łukašenka pierakonvaŭ słavackaha ministra, što dla inviestaraŭ dyktatura — samaje toje. Piša ŭ svaim błohu na NN Alaksandr Kłaskoŭski.
Sustreču sa słavackim ministram zamiežnych spraŭ Mirasłavam Łajčakam 7 vieraśnia haspadar adrazu pastaviŭ na rejki prahmatyčnaha dyjałohu. «Biznesoŭcy nie lubiać roznaha kštałtu psieŭdademakratyju», — kateharyčna abmalavaŭ Łukašenka śvietapohlad buržuazii.
Ź jaho słoŭ, zachodnija inviestary ceniać tutejšy paradak («toje, što ŭ peŭnych dziaržavach nazyvajuć dyktaturaj»): kali damovilisia, to ŭłada trymaje słova. Łukašenka prapanavaŭ słavackim kapitałam pakankuravać (z rasijskimi?) za našy aktyvy.
Naturalna, inviestaram lepiej, kali pracujuć prazrystyja zakony, a nie damovy «pa paniacijach». Adnak intares jeŭrapiejskaha biznesu da praktyčna niekranutaj siniavokaj respubliki taksama nie varta niedaaceńvać.
Tym bolej što ŭ prahmatyčnuju płaščyniu zbolšaha pierajšli i dačynieńni Brusiela z tutejšymi ŭładami. Sa słoŭ Anatola Labiedźki, heta na sustrečy z apazicyjaj 7 vieraśnia musiŭ pryznać i pan Łajčak: tak, maŭlaŭ, dyjałoh Jeŭrasajuza i Biełarusi idzie na ŭmovach Minska. Lider AHP aburajecca, što «słaby Łukašenka vyznačaje farmat i paradak dnia dyjałohu z palityčna i ekanamična mocnym Brusielem».
Dadamo: «słaby Łukašenka» jašče i Maskvu pieryjadyčna stavić na vušy. Za paŭtara dziesiacihodździ možna było b užo i pazbavicca apłombu siaredziny 90-ch, kali śćviardžałasia, što ŭčorašni saŭhasny dyrektar na čale dziaržavy doŭha nie pratrymajecca.
Kolki ni zakidaj Jeŭrasajuzu mierkantylizm, ale fakt toje, što
paśla rytualnaha kantaktu z praciŭnikami režymu jeŭrapiejski emisar pajechaŭ na Karła Marksa, 38. I pastfaktum zajaviŭ ŭradavamu ahienctvu zusim nie toje, što pačuli apazicyjaniery. A mienavita: u dyjałohu Biełarusi ź ES «zachoŭvajecca spryjalnaja atmaśfiera».
Analityki prahnazujuć, što dačynieńni z Brusielem napružacca pierad vybarami, bo sastupać va ŭmovach Łukašenka nie choča. Ale ŭmovy Maskvy — bolej žorstkija, praktyčna biaźlitasnyja.
I nie vyklučana, što damovicca z Zachadam u vyniku akažacca lahčej, čym z Kramlom. Jak trapna zaŭvažana, faktyčna Łukašenka moža pieraabracca na hrošy MVF, što ŭžo namiaknuŭ na novuju kredytnuju liniju ŭ 2010 hodzie.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6565
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie65
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary