Vy viedali, što praźmiernaje karystańnie smartfonami nie tolki škodzić pastavie, ale moža źmianić naša cieła? Raspaviadajem, što takoje tech neck i jak zachavać zdaroŭje, kali karystajeciesia smartfonam.
Što takoje «tech neck»?
Heta novy termin, jaki źjaviŭsia padčas pandemii. Aznačaje vaš stan, adčuvańni, jakija ŭźnikajuć praz toje, što vy zašmat hladzicie ŭ svoj telefon.
A čamu tolki ciapier źjaviŭsia hety termin, kali smartfony byli i raniej?
Pandemija zrabiła situacyju našmat horšaj. Praź izalacyju ludzi byli vymušanyja stasavacca ź inšymi praz smartfony.
A jak mienavita heta škodzić šyi?
Aŭstralijskaja asacyjacyja chirapraktyki śćviardžaje, što praźmiernaje vykarystańnie mabilnych pryład źmianiaje formu našaha cieła. Naprykład, vy trymajecie telefon pad vuhłom, jaki zmušaje vas apuścić hałavu na 60 hradusaŭ. Heta stvaraje prykładna 27 kiłahramaŭ dadatkovaj nahruzki na vaš chrybiet. Ciapier ujavicie, što vy robicie heta na praciahu niekalkich hadzin kožny dzień. Heta zmušaje pastajanna hnucca i mocna škodzić śpinie.
Smartfony škodziać tolki chrybtu?
Nie. Isnuje taksama hetak zvany sindrom «telefonnaha palca», kali vialiki palec zapalajecca praz praźmiernuju nahruzku padčas karystańnia telefonam. Jašče siniaje śviatło ad ekranaŭ (nie tolki smartfonaŭ) moža drenna ŭpłyvać na vypracoŭku miełataninu i jakaść snu. A nahruzka na vočy moža paškodzić zrok. A jašče niekalki hadoŭ tamu była vykazanaja hipoteza, zhodna ź jakoj u ludziej chutka pačnuć raści kaściavyja špory kala asnovy čerapa, kab zbałansavać nahruzku na šyju, jakuju vyklikaje karystańnie smartfonami.
Dyk što rabić?
Daktary padkazvajuć dobruju i lohkuju himnastyku, kab paźbiehnuć prablem z chrybtom. Kab jaje vykanać, sčapicie palcy za hałavoj i ŭpirajciesia łokciami ŭ ścianu — rabicie tak niekalki razoŭ na dzień ci kožny raz, kali adčujecie stomlenaść śpiny.
Moža, niešta jašče?
Starajciesia trymać telefon na ŭzroŭni vačej, kab pamienšyć cisk na chrybiet. Taksama pastarajciesia padčas dnia zastavacca aktyŭnym — to bok, rehularna vykonvajcie chacia b minimum fizičnych praktykavańniaŭ.
A jaki najlepšy sposab paźbiehnuć prablem praz karystańnie smartfonam?
Usio vielmi prosta — mieniej karystacca smartfonam. Skažycie sabie: «Najlepšy sposab paźbiehnuć prablem z chrybtom — heta pakłaści telefon na miesca».
Jak zmahacca z chrapam? Piać sposabaŭ
Vučonyja znajšli matyvacyju dla mužčyn pazbavicca ad «piŭnoha» žyvata. I heta śmiarotnaja niebiaśpieka
U jakoj pozie my śpim? Heta maje vializnaje značeńnie
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary