Paśla praciahłaj chvaroby ŭ Breście pamior paet i vykładčyk Mikałaj Alachnovič. Da 2021 hoda jon uznačalvaŭ Bresckuju abłasnuju filiju Sajuza biełaruskich piśmieńnikaŭ, paviedamlaje SBP.
Mikałaj Alachnovič naradziŭsia 14 studzienia 1953 hoda ŭ vioscy Vališča Pinskaha rajona Bresckaj vobłaści.
Skončyŭ fiłałahičny fakultet Bresckaha dziaržaŭnaha piedahahičnaha instytuta. Linhvist, kandydat fiłałahičnych navuk, dacent.
Za čas pracy na fakultecie pracavaŭ namieśnikam dekana, dekanam fiłałahičnaha fakulteta. Ź lipienia 2013 hoda — dacent na kafiedry biełaruskaha movaznaŭstva i dyjalektałohii BrDU imia Puškina.
U 1993—1995 hadach pracavaŭ na kafiedry ŭschodniesłavianskaj i bałtyjskaj fiłałohii fakulteta humanitarnych navuk Budapiešckaha ŭniviersiteta imia Łoranda Etvieša (Vienhryja).
Aŭtar paetyčnych zbornikaŭ «Žyćciovaje viery pradziva» (2006), «Śviatło darohi» (2010), knihi pierakładaŭ «Takaja tonkaja razmovy nić» (2013) i inšych.
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ49
Kamientary