Fiederalnych imihracyjnych ahientaŭ pačynajuć vyvodzić ź Minesoty — adnačasova vyvieduć 700 z 3 tysiač
700 čałaviek buduć vyviedzieny nieadkładna.
Fiederalnyja ŭłady ZŠA vyrašyli vyvieści ź Minieapalisa 700 supracoŭnikaŭ imihracyjnaj i pamiežnaj słužbaŭ, adpraŭlenych tudy na pošuki i zatrymańnie nielehalnych imihrantaŭ. Pra heta ŭ sieradu abviaściŭ «car miežaŭ» Tom Choman, piša Bi-bi-si.
Choman, jaki kuryruje ŭ administracyi Trampa ŭsie pytańni, źviazanyja ź miežami ZŠA, skazaŭ na pres-kanfierencyi, što hetyja 700 čałaviek buduć vyviedzieny nieadkładna. Pry hetym u Miniesocie zastanucca jašče kala 2000 fiederalnych supracoŭnikaŭ, pierakinutych tudy ŭ chodzie apieracyi suprać nielehalnaj imihracyi.
U studzieni, padčas akcyj pratestu suprać hetaj apieracyi, fiederalnyja ahienty zastrelili ŭ Minieapalisie dvuch hramadzian ZŠA, paśla čaho administracyja prezidenta Trampa adklikała kamandujučaha hetaj apieracyjaj Hreha Bavina i zamianiła jaho na Toma Chomana.
U apieracyi ŭdzielničajuć supracoŭniki Słužby imihracyjnaha i mytnaha kantrolu (ICE) i Mytna-pamiežnaj patrulnaj słužby (CBP). Choman skazaŭ, što vyviedzieny buduć supracoŭniki abodvuch viedamstvaŭ.
Pa słovach Chomana, u kančatkovym vyniku fiederalnyja ŭłady źbirajucca vyvieści ŭsich kamandziravanych u Miniesotu supracoŭnikaŭ i viarnuć ich dadomu, ale ŭ najbližejšy čas apieracyja suprać nielehalnych imihrantaŭ budzie praciahnuta.
Choman znoŭ uskłaŭ uskosnuju adkaznaść za hibiel ludziej u Minieapalisie na praciŭnikaŭ administracyi Trampa, jakija pratestujuć suprać jaho kampanii pa vydvareńni nielehalnych imihrantaŭ.
«Car miežaŭ» nahadaŭ, što jon jašče hod tamu kazaŭ, što kali hetyja ludzi nie spyniać raspalvać nianaviść, to heta skončycca krovapralićciem — i voś jano zdaryłasia.
Pry hetym, zapeŭniŭ Choman, ni jon, ni prezident Tramp, ni ministr unutranaj biaśpieki Kryści Noem hetaha krovapralićcia nie chacieli.
Choman paprasiŭ hubiernatara Miniesoty, demakrata Cima Uołza, źviarnucca da hramadzian štata i zaklikać ich nie pieraškadžać fiederalnym ahientam.
Uołz paśla hibieli Rene Hud i Aleksa Preci, zastrelenych fiederalnymi ahientami, patrabavaŭ poŭnaha vyvadu ŭsiaho fiederalnaha kantynhientu sa štata.
Napiaredadni ministr Kryści Noem abviaściła, što ŭsim fiederalnym ahientam u Miniesocie buduć vydadzieny nacielnyja videakamiery.
-
Iłan Mask: Starlink nielha vykarystoŭvać dla nastupalnych dziejańniaŭ, a chutkaść i paramietry vajskovych terminałaŭ vyznačajuć Pientahon i Tramp
-
Dla ŭjezdu ŭ Kazachstan biełarusam treba budzie zapytvać propusk za try dni
-
Charvatyja karystajecca žadańniem Čarnahoryi ŭstupić u Jeŭrasajuz, kab pavyrašać na svaju karyść staryja sprečki
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam20
Kamientary