Zialenski spadziajecca zaviaršyć vajnu dypłamatyčnym šlacham užo ŭ nastupnym hodzie
Prezident Ukrainy taksama adznačyŭ, što zamarožvańnie linii frontu na siońniašnich pazicyjach było b «vielizarnaj sastupkaj» z boku Ukrainy, adnak jon hatovy da dyjałohu dziela zachavańnia niezaležnaści dziaržavy.
Prezident Uładzimir Zialenski zajaviŭ, što spynieńnie bajavych dziejańniaŭ źjaŭlajecca hałoŭnym pryjarytetam dla Ukrainy, i vykazaŭ nadzieju, što miru ŭdasca dasiahnuć užo praz hod dziakujučy aktyŭnym dypłamatyčnym namahańniam i pieramovam. Pra heta jon zajaviŭ u intervju telekanału France 2, piša «Ukrainskaja praŭda».
«Ja vielmi spadziajusia (što praz hod va Ukrainie budzie mir). My zrobim usio, što zmožam. Heta naš pryjarytet. Moj i majoj kamandy. Maja kamanda zaraz viadzie pieramovy. Naš pryjarytet — pakłaści kaniec hetaj vajnie».
Prezident padkreśliŭ, što Rasija sprabuje padać svaje ŭltymatumy jak pošuk kampramisu, adnačasova praciahvajučy atakavać mirnaje nasielnictva i vykarystoŭvać choład jak zbroju. Zialenski adznačyŭ, što čym bolš RF zabivaje mirnych žycharoŭ, tym dalej adsoŭvajecca pierśpiektyva realnych damoŭlenaściaŭ.
Zialenski padkreśliŭ, što dypłamatyčny šlach nie aznačaje kapitulacyi ci pryniaćcia rasijskich ultymatumaŭ. Pavodle jaho słoŭ, patrabavańnie Maskvy ab vyvadzie Uzbrojenych sił Ukrainy z usiaho Danbasa źjaŭlajecca «čyrvonaj linijaj».
Prezident Ukrainy adznačyŭ, što navat «zamarožvańnie» linii frontu na siońniašnich pazicyjach było b «vielizarnaj sastupkaj» z boku Ukrainy, adnak jon hatovy da dyjałohu dziela zachavańnia niezaležnaści dziaržavy.
Zialenski taksama prakamientavaŭ inicyjatyvu prezidenta Francyi Emaniuela Makrona adnosna adnaŭleńnia dyjałohu z Pucinym. Ukrainski lidar ličyć, što razmaŭlać varta, ale «z vyłučeńniem umoŭ», pakolki pakul cisk na RF niedastatkovy, i Pucin vykarystoŭvaje pieramovy tolki dla prynižeńnia Jeŭropy.
Taksama ŭ intervju prezident Ukrainy zajaviŭ, što za čatyry hady poŭnamaštabnaj vajny zahinuli 55 tysiač ukrainskich vajskoŭcaŭ, pry hetym značnaja kolkaść abaroncaŭ ličycca źnikłymi bieź viestak. Hod tamu Zialenski paviedamlaŭ pra bolš jak 46 tysiač zahinułych.
Ciapier čytajuć
Chto z palitviaźniaŭ vyjšaŭ na svabodu 16 vieraśnia POŬNY ŚPIS5
Kamientary