Biełarus paraŭnaŭ canu na ajčynnyja jabłyki i kitajskaje pamieła. Roźnica ździviła
Biełarus zaŭvažyŭ roźnicu ŭ cenach na biełaruskija i impartnyja pradukty. Naviedvajučy «Biełmarkiet», mužčyna paraŭnaŭ košt biełaruskich jabłykaŭ i kitajskaha pamieła: roźnica akazałasia nie na karyść pieršych. Svaimi nazirańniami biełarus padzialiŭsia ŭ tyktoku, zaŭvažyła vydańnie BGMedia.
«Novy rekord: pamieła kitajskaje, jabłyk biełaruski. Adnak!», — adznačaje mužčyna ŭ svaim videa.
Voś jak jon kamientuje situacyju:
«Ceny pačynajuć ździŭlać. Takoje adčuvańnie, što pamieła samo pryjšło ŭ Biełaruś i lahło na palicu. A jabłyk pryvieźli ź Nihieryi z dvaccaciu pasiarednikami. Dziŭnyja spravy tvaje, rynak Biełarusi».
@user2457092123442 #cieny opiať načinajut udivlať. Takoje oŝuŝienije, čto pamieło samo v Biełaruś prišło iz Kitaja i lehło na połku, a jabłoko vieźli čieriez Nihieriju s 20iu posriednikami... Čudny dieła tvoi #rynok ♬ orihinalnyj zvuk - Henadzi
Jak vynikaje z samoha rolika, cana na jabłyki «Ajdared» — 4,45 rubla za kiłahram, a na pamieła — 3,99 rubla (jaho pradajuć sa źnižkaj 27%).
U Biełarusi roźničnaja cana na jabłyki pa standartach Ministerstva antymanapolnaha rehulavańnia i handlu, ustanoŭlenych naprykancy 2025 hoda, składaje 4,80 biełaruskaha rubla. U «Biełmarkiecie» košt, jak vyhladaje, navat krychu nižejšy za hety standart.
Adnak biełarusy adznačajuć značny rost cen na ajčynnyja jabłyki. U kamientarach pad rolikami jany zhadvali minułahodni nieŭradžaj i paraŭnoŭvajuć situacyju z Polščaj, dzie jabłyki tańniejšyja.
Niekatoryja karystalniki adznačali, što ŭ hetym hodzie ajčynnych jabłykaŭ uvohule mała:
«U mianie vymierzła ŭsio, akramia schavanaha vinahrada. Była adna čarešnia, adna višnia, try hrušy i para karavych jabłykaŭ».
Dla paraŭnańnia, u minułym hodzie jabłyki kaštavali kala dvuch rubloŭ za kiłahram.
Pa danych Biełstata, u 2025 hodzie inflacyja skłała 6,8%, a ŭ śniežni ŭ paraŭnańni ź listapadam spažyvieckija ceny ŭzrasli na 0,3%, što paŭpłyvała i na košt ajčynnych praduktaŭ, uklučajučy jabłyki.
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary