Chočacie ažyvić staroje kachańnie? Chutka dla hetaha chopić niekalkich tabletak
Vaš šlub na miažy razvodu? Vy nie možacie farmiravać lubaści abo prosta chočacie nie złavacca na muža za čarhovyja škarpetki na padłozie? Nie turbujciesia — chutka dla ŭsiaho hetaha źjavicca śpiecyjalnaja tabletka.
Evalucyjny antrapołah Enn Mečyn z Oksfarda śćviardžaje, što ŭžo nie za harami vynachodnictva śpiecyjalnych «lekaŭ kachańnia». Mečyn miarkuje, što takija tabletki, vierahodna, pačnuć užyvać pry psichaterapii par užo ŭ bližejšyja 5 hadoŭ i što hetaja śfiera zaraz na piarednim krai «vyvučeńnia kachańnia». Devid Nat, prafiesar niejrapsichafarmakałohii ź Impierskaha kaledža ŭ Łondanie, kaža, što i jon čakaje chutka pabačyć vykarystańnie ekstazi ŭ terapii par, piša The Times.
Užo jość prykmiety taho, što chimičnyja rečyvy zdolnyja ŭratoŭvać šluby. U hetym hodzie vyjšła daśledavańnie, zhodna ź jakim pryjom ekstazi dapamahaje adčuć siabie bližej da muža ci žonki. Mahčyma, heta źviazana z tym, što ekstazi dapamahaje vypracoŭvać chimičny sieratanin i praz heta spryjaje empatyi.
Ale Mečyn idzie dalej i śćviardžaje, što ekstazi moža dapamahčy pabačyć situacyju z punktu hledžańnia kachanaha čałavieka i nie fiksiravać uvahu na škarpetkach śmiećci, što vaš partnior nie vynies.
Taksama ekśpierty ličać, što na pačatkovych stadyjach zakachanaści i ŭ zbližeńni z patencyjnymi partniorami dapamahaje aksitacyn. Enn Mečyn ličyć, što na praciahu dziesiaci hadoŭ «ludzi pačnuć pyrskać aksitacyn u nos, pierš čym vyjści na vulicu ŭ subotu ŭviečary».
Na bolš poźnich stadyjach adnosinaŭ uklučajucca i inšyja rečyvy, naprykład, dafamin, a taksama bieta-endarfin, jaki faktyčna źjaŭlajecca apioidam. Mečyn tłumačyć, što jon padobny da hierainu, ale pry hetym vypracoŭvajecca samim arhanizmam. Hetaje rečyva moža padtrymlivać adnosiny ŭ doŭhaterminovaj pierśpiektyvie, bo, jak i hierain, jano vyklikaje pryvykańnie. Tamu, kali čałavieka kidajuć, jon adčuvaje siabie žudasna, bo ŭ jaho pierapyniajecca krynica apijataŭ.
Ale ž navošta naša cieła vykarystoŭvaje ŭsie hetyja rečyvy, kab prymusić nas zastacca z kankretnym partnioram? Z punktu hledžańnia evalucyi, adkaz u tym, što patrebny byŭ sposab, jaki b dapamoh mužčynam i žančynam damaŭlacca i supracoŭničać pamiž saboj, kab vykonvać važniejšuju zadaču — vychoŭvać dzicia. Tamu i źjaviłasia kachańnie, jakoje na chimičnym uzroŭni źjaŭlajecca bijałahičnym chabaram.
Abdymacca ranicaj karysna dla zdaroŭja. Ciapier heta paćvierdzili i navukoŭcy
Samymi seksualnymi ŭ śviecie ciapier ličacca mužčyny 50+
-
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom
-
Rasijanka, ulubionaja ŭ Maskvu, vyjšła zamuž za biełarusa praz čatyry miesiacy paśla znajomstva — i pierajechała da jaho ŭ Brest
-
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»
Ciapier čytajuć
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary