Recept na vychadnyja. Piačeńnie z šakaładam — lohki i smačny chatni desiert
Hetaje piačeńnie smačnaje ź biełym šakaładam. Ale jaho možna hatavać i ź lubym inšym šakaładam.
Fota: BBC Food
Kab zhatavać piačeńnie ź biełym šakaładam, vam spatrebicca:
- 130 hramaŭ masła,
- 150 hramaŭ cukrovaj pudry,
- 100 hramaŭ cukru, lepš karyčnievaha,
- 1 čajnaja łyžka vanilnaha ekstraktu,
- 1 vialikaje jajka + 1 jaječny žaŭtok,
- 275 hramaŭ muki,
- 1 čajnaja łyžka razrychlalnika,
- pałova čajnaj łyžki charčovaj sody,
- pałova čajnaj łyžki soli (lepiej brać drobnuju sol),
- 220 hramaŭ drobna narezanaha šakaładu.
- Vaźmicie masła (kab ciopłaje było, miakkaje), cukar i vanil i z dapamohaj miksiera ci inšym sposabam ŭźbivajcie ich razam 3—4 chviliny, pakul sumieś nie paśviatleje i nie stanie pa kansistencyi jak uźbityja viarški. Dadajcie jajka i žaŭtok i ŭźbivajcie sumieś jašče chvilinu, pakul jana nie stanie adnarodnaj. Dadajcie muku, razrychlalnik, sodu i sol. Źmiešvajcie sumieś na nizkaj chutkaści da adnarodnaha stanu, potym dadajcie ŭ jaje bieły šakaład i znoŭ usio aściarožna pieramiašajcie.
- Zaścialicie vialikuju blachu papieraj dla vypiakańnia. Z dapamohaj zvyčajnaj łyžki ci łyžki dla marožanaha padzialicie ciesta na 14 šarykaŭ i vykładzicie ich na blachu. Pakińcie ciesta ŭ chaładzilniku na 3 hadziny ci, u ideale, na nač. Kali vielmi śpiašacca, možna pastavić ciesta ŭ marazilnuju kamieru na 15 chvilin, ale taki varyjant horšy.
- Razahrejcie duchoŭku da 180 hradusaŭ. Vypiakajcie piečyva partyjami pa 5—6 štuk i pakidajcie pamiž piačeńniem na blasie dastatkova miesca, bo jano pry vypiakańni pavialičvajecca ŭ pamierach. Vypiakajcie piečyva pa 12—14 chvilin, pakul krai piečyva nie stanuć ćvierdymi, siaredzina pry hetym chaj zastajecca krychu miakkaj, bo piečyva zaćviardzieje paśla pryhatavańnia. Pierad padačaj piečyva treba trochi astudzić.
Ryba-fiš, husinyja šyjki i pirožnyja vožyki: Michla Sinajeŭna i jaje kuchnia
Samy niebiaśpiečny syr u śviecie, unutry jakoha źvivajucca žyvyja ličynki: voś dzie jaho znajści
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary