Pavieł Sieviaryniec skłaŭ u niavoli chryścijanskuju viktarynu z 330 pytańniaŭ
Pytańni Pavieł składaŭ ciaham dvuch hadoŭ źniavoleńnia ŭ Minsku, Mahilovie i Škłovie.
Pra składzienuju palitviaźniem viktarynu paviedamiła ŭ fejsbuku jaho žonka Volha Sieviaryniec.
«Va ŭsim kašmary, jaki navokał, ja vynajšła dla siabie formułu vyžyvańnia — nie narakać, malicca, dapamahać, rabić, što možaš, i imknucca choć kropkava źmianić toje, što nie daje supakoju», — napisała Volha Sieviaryniec.
«Dumaju, što pa takim ža pryncypie dziejničaje i Pavieł. Siońnia my skončyli dapracoŭvać viktarynu, jakuju Paša składaŭ kala dvuch hod, siedziačy na Vaładarcy, u Mahilovie i Škłovie.
330 pytańniaŭ, 10 temaŭ — chryścijanskaja viktaryna «Dreva žyćcia», pryśviečanych viadomym ludziam, padziejam, paniaćciam, a taksama biełarusam, jakija vieryli ŭ Boha i źmianiali hetuju krainu. Z30 cikavych faktaŭ, pry čytańni jakich raz-poraz u hałavie milhaje dumka: «Ničoha sabie!»
Ciapier my puskajem viktarynu ŭ płavańnie — jak chleb pa vodach. Pa spasyłcy jana budzie dastupnaja dla spampoŭvańnia. Viedaju, što niekatoryja cerkvy ŭžo vykarystoŭvali viktarynu dla svaich moładzievych słužeńniaŭ. U ideale my chočam stvaryć ź jaje mabilnuju hulniu. My ŭpenienyja, što jana budzie karysnaja mnohim. Budziem čakać i vašych idej pa vykarystańni.
Prajści viktarynu možna pa spasyłcy.
Pavieł Sieviaryniec byŭ zatrymany 31 maja 2020 hoda. U mai 2021 jaho i jašče šeść palitviaźniaŭ prysudzili ad čatyroch da siami hadoŭ kałonii. Paŭłu dali siem hadoŭ.
Padtrymać Paŭła Sieviarynca možna, napisaŭšy pa adrasie: PK №17, 213004, h. Škłoŭ, vuł. 1-ja Zavodskaja, 8, Pavieł Kanstancinavič Sieviaryniec.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary