50 tysiač biełarusaŭ majuć polski dazvoł na žycharstva. 45 tysiač ź ich vyjechała za apošnija paŭtara hoda
U Polščy ŭžo žyvie bolš za 50 tysiač biełarusaŭ z dazvołam na žycharstva, piša «Jeŭraradyjo» na padstavie paviedamleńnia ŭpraŭleńnia pa spravach inšaziemcaŭ. Heta pieršaja kankretnaja ličba, jakaja dazvalaje acanić maštaby sychodu biełarusaŭ z krainy ŭ vyniku represij.
Istotny rost biełaruskaj emihracyi adbyŭsia paśla žniŭnia 2020-ha. 90% biełarusaŭ, jakija majuć vid na žycharstva ŭ Polščy, pierajechali ŭ krainu paśla pačatku 2021 hoda.
55% ź ich składajuć ludzi va ŭzroście ad 20 da 39 hadoŭ. Dzieci i padletki da 20 hadoŭ — 17% emihrantaŭ, a ludzi, starejšyja za 40 hadoŭ, — kala 28%.
Najbolšaja častka biełaruskich emihrantaŭ asieła ŭ Mazavieckim vajavodstvie (tam raźmiaščajecca Varšava) — 19 tysiač čałaviek. Jašče 9 tysiač čałaviek pasialilisia ŭ Padlašskim vajavodstvie (Biełastok).
Amal 3 tysiačy biełarusaŭ źviarnulisia pa mižnarodnuju abaronu ŭ Polščy i atrymali jaje.
Upraŭleńnie pa spravach inšaziemcaŭ padkreślivaje, što havorka idzie mienavita pra biełarusaŭ, jakija atrymali vid na žycharstva,a nie časovuju vizu.
Ahulnuju kolkaść uciekačoŭ ad łukašenkaŭskich represij možna budzie padličyć, kali stanuć viadomyja anałahičnyja ličby ź Litvy, Hruzii, Ukrainy dy inšych krain.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary