Pamiežnaja achova Polščy abviaściła pra zaviaršeńnie budaŭnictva płota na miažy ź Biełaruśsiu, paviedamlaje Reform.by.
Jaho pačali ŭzvodzić 25 studzienia.
Praciahłaść płota na terytoryi Lubielskaha i Padlaskaha vajavodstvaŭ składaje 186,25 km. dla jaho spatrebiłasia 49 tys. ton stali. Zaharoda maje vyšyniu ŭ 5,5 m, jana zabiaśpiečana kalučym drotam. U im abstalavany niekalki dziasiatkaŭ varot dla propusku bujnych žyvioł, a taksama tysiačy «dziurak» dla drobnych.
Płot pabudavany Polščaj u adkaz na rost mihracyjnych patokaŭ ź Biełarusi. Ź leta minułaha hoda mihranty z krain Uschodu i Afryki sprabujuć pierajści ź Biełarusi ŭ Polšču. Zaharoda pabudavana na suchaputnym učastku biełaruska-polskaj miažy. Na astatniaj praciahłaści jana prachodzić pa rekach, jakija ŭskładniajuć parušeńnie miažy. Treba adznačyć, što zaharodu na miažy taksama ŭzvodzicca ź litoŭskaha boku.
Biełaruski bok vystupaŭ suprać budaŭnictva płota, akcentavałasia ŭvaha na tym, što jon prachodzić pa Biełaviežskaj puščy i padzialaje ŭnikalny reliktavy les, stvarajučy pahrozu dla žyvioł.
Kamientary