Uładzimir Hundar, jakoha pryviali na sud u trusach i prykavali da kletki, trymaje suchuju haładoŭku ŭ karcary
Fihurant «spravy Aŭtuchoviča» Uładzimir Hundar trymaje suchuju haładoŭku ŭ karcary. Jaho sudzili ŭ adnych trusach, prykavanym da kletki.
«Vałodzia trymaje suchuju haładoŭku. Ja napisała jamu list, dzie prasiła hetaha nie rabić, ale jon pieradaŭ usim padziaku za padtrymku, paprasiŭ prabačeńnia i paćvierdziŭ, što budzie haładać», — paviedamiła BPN jaho žonka Alena Hundar.
Pavodle jaje słoŭ, na momant sustrečy z advakatam muž adčuvaŭ siabie niabłaha, adnak suchaja haładoŭka vielmi niebiaśpiečnaja dla jaho: praz hipiertaniju treba rehularna prymać leki, što niemahčyma biez vady.
Hundar adznačyła, što ŭ karcar muža nakiravali, pavodle adnych źviestak, na 10 sutak, pavodle inšych — da 11 lipienia.
Uładzimir Hundar abviaściŭ haładoŭku na znak pratestu suprać adsutnaści z boku suda reakcyi na jaho patrabavańni i prymusovaje raspranańnie pierad pracesam.
Čytajcie taksama:
Chvoruju na ankałohiju piensijanierku raździavali siłaj. Novyja detali suda pa spravie Aŭtuchoviča
«Alenka, jany mianie zabivajuć!» Palitviaźnia Hundara pryviali ŭ sud u adnych trusach i prykavali da kletki
«My vyjdziem ščylnymi radami». Padrabiaznaści taho, što adbyvajecca na pracesie Aŭtuchoviča, uražvajuć i vymušajuć zadumacca
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść3
Kamientary