Alaksandr Łukašenka padpisaŭ ukaz, jakim źmianiajucca praviły prodažu patrymanych aŭtamabilaŭ, paviedamlaje jahonaja pres-słužba.
Siarod źmienaŭ, u pryvatnaści, vyklučanaja mahčymaść ździajśnieńnia ździełak kupli-prodažu transpartnych srodkaŭ z dapamohaj afarmleńnia rachunku-daviedki i praviadzieńnia raźlikaŭ pamiž jurydyčnymi asobami, indyvidualnymi pradprymalnikami i fizičnymi asobami pa takich damovach u najaŭnaj formie. Prava vybaru formy raźlikaŭ pa ździełkach pamiž fizičnymi asobami pry hetym zachavana.
Dakumientam uviedzieny abaviazak pa zaklučeńni damoŭ ab adčužeńni transpartnych srodkaŭ tolki ŭ piśmovaj formie.
Taksama ŭkazam zamacavanyja patrabavańni ab adlustravańni ŭ damovie źviestak ab adsutnaści na momant jaho zaklučeńnia abmiežavańniaŭ (abciažarańniaŭ) i zabaronaŭ na ździajśnieńnie ździełak z transpartnym srodkam.
Ciapier dahavory kupli-prodažu transpartnych srodkaŭ, jakija zaklučajucca pamiž fizičnymi asobami, mohuć prachodzić dziaržaŭnuju rehistracyju nie tolki ŭ adpaviednych rehistracyjnych orhanach (DAI i Minsielhascharč), ale i šlacham nataryjalnaha paśviedčańnia.
Hetyja pałažeńni ŭstupiać u siłu praz šeść miesiacaŭ paśla aficyjnaha apublikavańnia dakumienta.
Ciapier čytajuć
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary