Pamior adzin ź lidaraŭ haradzienskich sacyjał-demakrataŭ i vykładčyk niamieckaj movy Michaś Patreba. Jamu było 77 hadoŭ. U apošnija hady jon mieŭ prablemy sa zdaroŭjem i pakutavaŭ na demiencyju.
Heta adbyłosia 23 lipienia. Spadar Patreba vykładaŭ u Hrodzienskim univiersitecie imia Janki Kupały, u 1990-ja hady nieadnojčy vyłučaŭsia ŭ deputaty ad demakratyčnych sił. Napisaŭ knihu «Nacyjanalnaja ideja i sacyjał-demakratyja», paviedamlaje «Biełsat».
U apošnija hady mieŭ prablemy sa zdaroŭjem i pakutavaŭ na demiencyju.
Michaś Patreba naradziŭsia ŭ 1945 hodzie ŭ vioscy Padčarniejki (kala Biełaviežskaj puščy). Aktyŭna supracoŭničaŭ z Hrodzienskaj asacyjacyjaj achviaraŭ stalinskich represij. Ukłaŭ knihu ŭspaminaŭ represavanaj biełaruskaj intelihiencyi «Nikoli bolej». Doŭhi čas pracavaŭ nad vialikim niamiecka-biełaruskim słoŭnikam.
U 1980-ja hady za niezaležnickija pohlady jaho zvolnili z univiersiteta. Patreba prajšoŭ usie sudy, dajšoŭ da Viarchoŭnaha i zdoleŭ adnavicca na pracy.
Pachavańnie spadara Michasia adbudziecca zaŭtra ŭ Hrodnie. Raźvitacca ź im možna budzie z 12-j hadziny ŭ kapličcy na mohiłkach na Antonava.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary