Pra ŭdzieł zajavili ŭžo 10 krain, a finał adbudziecca ŭ listapadzie ŭ Tajłandzie, piša Bi-bi-si.
«Adznačajučy 70‑hodździe «Jeŭrabačańnia», asabliva važna adkryć hetuju novuju hłavu razam z Azijaj — rehijonam, bahatym kulturaj, kreatyŭnaściu i talentami. Havorka idzie pra raźvićcio «Jeŭrabačańnia» razam z Azijaj, stvareńnie prajekta, jaki adlustroŭvaje hałasy, identyčnaść i ambicyi rehijona, zastajučysia viernym tamu, što zaŭsiody rabiła konkurs asablivym», — zajaviŭ Marcin Hryn, dyrektar konkursu.
Pra svoj udzieł užo zajavili 10 krain: Paŭdniovaja Kareja, Butan, Tajłand, Filipiny, Banhładeš, Kambodža, Łaos, Małajzija, Niepał, Vjetnam. Jak abiacajuć arhanizatary, śpis budzie papaŭniacca. U najbližejšyja miesiacy kožnaja kraina-ŭdzielnica vybiera svajho pradstaŭnika praz nacyjanalnyja adbory — jak heta tradycyjna adbyvajecca i na asnoŭnym «Jeŭrabačańni».
Pa praviłach konkursu, pieśni pavinny być aryhinalnymi, a vakał žyvym. Jak i ŭ aryhinalnym konkursie, pieramožcaŭ buduć vybirać jak prafiesijnyja ekśpierty, tak i hledačy.
Tranślavać konkurs buduć telekanały krain-udzielnic, ale hałoŭnym viaščalnikam stanie tajłandski Channel 3 — mienavita ŭ stalicy Tajłanda, Banhkoku, 14 listapada projdzie finał.
Channel 3 zajaŭleny arhanizataram konkursu razam ź Jeŭrapiejskim viaščalnym sajuzam (European Broadcasting Union), Voxovation i S2O Productions.
«Banhkok — horad, dzie harmanična spałučajucca tradycyi i sučasnaść, — stanovicca naturalnym miescam dla konkursu, zasnavanaha na raznastajnaści i kulturnym abmienie», — havorycca ŭ aficyjnym anonsie padziei.
«Hety horad zaŭsiody byŭ miescam, dzie sustrakajucca kultury, dzie muzyka hučyć paŭsiul, i dzie śviata — častka paŭsiadzionnaha žyćcia», — padkreśliŭ pradstaŭnik turystyčnaha ŭpraŭleńnia Tajłanda Čuvit Siryvadžžakuł.
Arhanizatary adznačajuć, što nasielnictva azijackich krain-udzielnic — bolš za 600 miljonaŭ čałaviek, ale ŭ Azii pakul niama «supastaŭnaj panrehijanalnaj płatformy».
«Zachoŭvajučy duch «Jeŭrabačańnia», konkurs praciahvaje prostuju, ale mahutnuju ideju — abjadnoŭvać ludziej praz muzyku i ahulny vopyt», — abiacajuć arhanizatary.
Užo zaraz zapuščany sajt Eurovisionasia, dzie budzie źjaŭlacca ŭsia novaja infarmacyja pra konkurs.
«Jeŭrabačańnie» było ŭpieršyniu praviedziena ŭ 1956 hodzie. Konkurs vyvieŭ na novy ŭzrovień papularnaść takich budučych suśvietnych zorak, jak šviedski hurt ABBA ci kanadskaja śpiavačka Sielin Dyjon, jakaja pradstaŭlała Šviejcaryju ŭ 1988 hodzie.
U minułym hodzie konkurs pahladzieli kala 163 miljonaŭ čałaviek. U hetym hodzie — konkurs projdzie ŭžo ŭ mai ŭ Vienie — hledačoŭ moža być mienš: niekalki krain vyrašyli bajkatavać «Jeŭrabačańnie» z-za ŭdziełu ŭ im Izraila. Jany zaklikali adchilić Izrail hetak ža, jak u 2022 hodzie paśla ŭvarvańnia va Ukrainu adchilili Rasiju. Rasija ŭ adkaz na heta zapuściła ŭłasny muzyčny konkurs «Interbačańnie», u jakim u 2025 hodzie pryniali ŭdzieł 23 krainy.
Z 2000‑ch hadoŭ pradprymalisia nieadnarazovyja sproby stvaryć azijackuju viersiju «Jeŭrabačańnia», ale nivodnaja ź ich pakul što nie ŭviančałasia pośpiecham.
-
Mikita Najdzionaŭ zapuściŭ novy prajekt dla aŭdytoryi 30+
-
«Dahetul škaduju, što nie stała lekaram». Pahutaryli sa Śviatłanaj Bień pra novy albom, žyćcio ŭ Bierlinie, «čornyja śpisy» i spraviadlivaść
-
Viadomy rasijski repier nijak nie moža vystupić u Minsku — to z zakonami nie ščaścić, to sa zdaroŭjem
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary