Daradca Naŭsiedy pra dyjałoh ź Biełaruśsiu: Pakul viadziecca hibrydnaja ataka, razmaŭlać niama pra što
«Pakul žadańnia ich śpianyć niama», — miarkuje Asta Skajshirycie
Pakul režym Alaksandra Łukašenki praciahvaje svaju hibrydnuju ataku, Litvie niama čaho abmiarkoŭvać ź Biełaruśsiu, zajaviła Asta Skajshirycie, hałoŭnaja daradca prezidenta Hitanasa Naŭsiedy. Pavodle jaje słoŭ, Minsk taksama nie maje žadańnia vieści dobrazyčlivy dyjałoh, piša Delfi.lt.
«Ciažka ŭjavić, što (Biełaruś) choča dyjałohu, kali hetyja hibrydnyja ataki praciahvajucca (…). Kali b sapraŭdy było ščyraje žadańnie vieści dyjałoh, zdajecca, što spačatku varta było b spynić hetyja dziejańni, tady my mahli b pačać havaryć. Pakul hetaha nie vidać», — zajaviła A. Skajshirycie ŭ efiry Žinių radijas u aŭtorak.
«My možam razhladać dyjałoh, kali jość pra što havaryć. Pakul viaducca hetyja dziejańni, Litva znachodzicca ŭ abaronnaj pazicyi, i havaryć niama pra što. Treba, kab hetych dziejańniaŭ prosta nie było», — dadała jana.
Kamientary