Finski ŭrad vyrašyŭ amal u dziesiać razoŭ skaracić kolkaść vydavanych rasijanam turystyčnych vizaŭ. Novyja praviły ŭstupiać u siłu ŭ pačatku vieraśnia, paviedamlaje vydańnie Yle.
Ciapier ad rasijskich hramadzian u siarednim pastupaje 1000 zajavak na atrymańnie vizy ŭ sutki, u budučyni ich kolkaść pamienšać da 500. Z hetaj kolkaści na turystaŭ budzie prychodzicca tolki 100 zajaŭ, udakładniŭ Hienieralny konsuł MZS Finlandyi Jusi Tanier.
Pavodle jaho słoŭ, pry vydačy vizaŭ finskija ŭłady buduć stavić u pryjarytet pajezdki pa pracy, vučobie i da svajakoŭ — na hetyja mety vydzielać astatnija 400 zajavak.
Ministr zamiežnych spraŭ Pieka Chaavista adznačyŭ, što čas na afarmleńnie turystyčnych vizaŭ źbirajucca abmiežavać. Naprykład, ich možna budzie aformić tolki ŭ peŭny dzień abo čas.
Kamientary