«Vam niama kudy ludziej dziavać». Łukašenka natchniaŭ uźbiekaŭ zasialać apuściełuju Mahiloŭščynu
Padčas pracoŭnaj pajezdki ŭ Aršanski rajon Alaksandr Łukašenka znoŭ viarnuŭsia da pytańnia zaprašeńnia na pracu ŭ Biełaruś šmatlikich rabočych z Uźbiekistana. Tym bolš što akurat pad hety čas byŭ padhadany i vizit u rehijon chakima (kiraŭnika) uźbiekistanskaj Andyžanskaj vobłaści Šuchratbieka Abdurachmanava.
Łukašenka paraiŭ uźbiekskamu hościu nie abmiažoŭvacca terytoryjaj Viciebščyny, a iści adrazu zasialać i depapulavany paŭdniovy ŭschod Mahiloŭščyny.
«Ty na Viciebskaj vobłaści asabliva nie zacyklivajsia. U nas jość ceły Paŭdniovy Uschod z kankretnaj prahramaj. My jaje admianiać nie budziem. Pierniki i inšaje, ilhoty — Paŭdniovy Uschod Mahiloŭskaj vobłaści, dzie taksama ludziej… Ale ziemli tam lepšyja, čym u jaho. Tamu ty taksama pahladzi. Tam prosta voś u jaho, prosta Paŭdniovy Uschod! Tam biary ŭsiu terytoryju, vyrablaj. Tam hałoŭnyja — ludzi».
Kali ž Šuchratbiek Abdurachmanaŭ skazaŭ, što raniej Łukašenka sam jaho nakiroŭvaŭ pracavać ź Viciebskaj, toj jaho nie staŭ i słuchać:
«Heta pravilna ty zrabiŭ. A dalej… Nu što tabie hetyja 7 ci 8 rajonaŭ? Treba pahladzieć i Paŭdniovy Uschod. U čym maja cikavaść? Ludzi. Tam niama stolki ludziej, a vam niama kudy ludziej dziavać. Asabliva ŭ Andyžanskaj vobłaści. Niachaj pryjazdžajuć i pracujuć. Tamu i ŭ Viciebsk, i tam. Ale heta my pavinny vyznačycca. Urad zaraz zajmajecca, kab vam na stoł pakłaści, kolki čałaviek treba, jakija kadry pavinny być i inšaje. Nie ŭmiejuć — niachaj vučać. Jany navučać tut ich chutka, za paŭhoda. I ŭ Viciebskaj vobłaści taksama. Hałoŭnaje, kab było žadańnie».
9 lipienia padčas vizitu ŭ Biełaruś prezidenta Uźbiekistana Šaŭkata Mirzijojeva Biełaruś i Uźbiekistan padpisali mižuradavaje pahadnieńnie ab arhanizavanym nabory i pracaŭładkavańni hramadzian Uźbiekistana dla časovaj pracy ŭ Biełarusi.
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary
Uch, dikota!