U Minsku chutka adkryjecca 30‑ty restaran Mak.by. U hetym rajonie jaho jašče nie było
Na skryžavańni vulic Alesia Dudara, Janki Łučyny i Ihumienskaha traktu pačałasia budoŭla: da kanca hoda tut źjavicca novy Mak.by. Hety punkt stanie pieršym u mikrarajonie Łošyca i 30‑m u Biełarusi. Pradstaŭniki sietki raskazali Realt.by padrabiaznaści prajekta.
Novy restaran Mak.by źjavicca ŭ mikrarajonie Łošyca. Jaho ŭžo budujuć na skryžavańni vulic Alesia Dudara, Janki Łučyny i Ihumienskaha traktu. Pry vybary placoŭki ŭličvali dynamiku raźvićcia rajona, rost kolkaści nasielnictva, transpartnuju dastupnaść i zručnaść raźmiaščeńnia dla miascovych žycharoŭ.
Novy punkt zojmie 360 kvadrataŭ i zmoža adnačasova źmiaścić bolš za sotniu haściej: 78 pasadačnych miescaŭ praduhledžana ŭ zale, jašče 32 — na vuličnaj terasie. U restaranie taksama buduć ukaraniać klučavyja inavacyi Mak.by: sučasnyja kijoski samaabsłuhoŭvańnia, ličbavyja mieniu-bordy i inšyja rašeńni.
Dla aŭtamabilistaŭ abstalujuć parkoŭku na 29 miescaŭ i adkryjuć liniju Mak.Drive.
Prajektavańniem zajmajecca PVPUP «Architekturnaja studyja architektara Andruškina», jakaja raspracoŭvała prajekty i dla restaranaŭ «MakDonalds» u Biełarusi.
Zaviaršyć budaŭnictva ŭ Łošycy płanujecca ŭ siaredzinie kastryčnika.
Kamientary