Фінскі ўрад вырашыў амаль у дзесяць разоў скараціць колькасць выдаваных расіянам турыстычных візаў. Новыя правілы ўступяць у сілу ў пачатку верасня, паведамляе выданне Yle.
Цяпер ад расійскіх грамадзян у сярэднім паступае 1000 заявак на атрыманне візы ў суткі, у будучыні іх колькасць паменшаць да 500. З гэтай колькасці на турыстаў будзе прыходзіцца толькі 100 заяў, удакладніў Генеральны консул МЗС Фінляндыі Юсі Танер.
Паводле яго слоў, пры выдачы візаў фінскія ўлады будуць ставіць у прыярытэт паездкі па працы, вучобе і да сваякоў — на гэтыя мэты выдзеляць астатнія 400 заявак.
Міністр замежных спраў Пека Хаавіста адзначыў, што час на афармленне турыстычных візаў збіраюцца абмежаваць. Напрыклад, іх можна будзе аформіць толькі ў пэўны дзень або час.
Цяпер чытаюць
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары