Kali Alaksandru Kulčyckamu-Habiču było 60, jon vyrašyŭ kruta źmianić svajo žyćcio. Sioleta jon adpraviŭsia na fakultet daŭniviersiteckaj padrychtoŭki Viciebskaha dziaržaŭnaha mieduniviersiteta, piša sb.by.
Dla Alaksandra VDMU — jaho druhaja VNU. Pieršaja — techničnaja — skončanaja z adznakaj. Inžynier pa prafiesii, jon šmat hadoŭ žyŭ u Rasii, na pradpryjemstvie kiravaŭ adździełam pa aŭtamatyzavanych sistemach kiravańnia, adkazvaŭ za technałahičnuju biaśpieku. Razam z tym jon pačaŭ uśviedamlać, što addaŭ najlepšyja hady mašynam, a nie viedaje, jak funkcyjanuje jaho ŭłasnaje cieła, arhanizm.
Viarnuŭšysia na radzimu ŭ Biełaruś, mužčyna chacieŭ padacca ŭ fiermiery, ale niešta nie zrasłosia.
«Hady dva tamu ja zachvareŭ. Heta i pasłužyła šturškom hruntoŭna zadumacca pra miedycynu», — kaža Alaksandr.
U vyniku jon zasieŭ za knihi pa chimii, bijałohii i ruskaj movie, zapisaŭsia na fakultet daŭniviersiteckaj padrychtoŭki, staŭ zaŭsiodnikam univiersiteckaj biblijateki. Da CT rychtavaŭsia vosiem miesiacaŭ:
— Było vielmi ciažka. Ź fizikaj, matematykaj ja na «ty», a bijałohija zdavałasia ciomnym lesam. Ciapier ja hladžu na jaje šyroka raspluščanymi vačyma.
Ahułam pa vynikach testavańniaŭ Alaksandr nabraŭ 215 bałaŭ. Išoŭ pa-za konkursam.
— Hałoŭnaje, što mianie cikavić, — rańniaje vyjaŭleńnie, lačeńnie i prafiłaktyka autaimmunnych zachvorvańniaŭ. Heta adno z samych składanych pytańniaŭ sučasnaj miedycyny, a ja pryvyk stavić pierad saboj vysokuju płanku.
Kali ŭsio składziecca, paśla treciaha kursa Alaksandr adpravicca na praktyku, zadumvajecca jon i pra aśpiranturu.
U VDMU adznačajuć, što heta ci nie pieršy taki stały student u ich. Sioleta prachadnyja bały na biudžet va ŭniviersitecie byli nastupnyja: dzionnaja forma stamatałahičnaha fakulteta — 355 bałaŭ, farmaceŭtyčnaha — 345 bałaŭ, 315 — lačebnaha i 299 —piedyjatryčnaha.
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi15
Kamientary