«Kali my robim toje, što choča adna kraina, a nie toje, što chočuć 26 — heta nie zusim demakratyja». Kaja Kałas raskrytykavała sistemu hałasavańnia ŭ ES
«U hetym hieapalityčnym śviecie nam treba być nadziejnymi, a dla hetaha my pavinny być adzinymi i zdolnymi prymać rašeńni», — skazała ŭ intervju Euronews viarchoŭnaja pradstaŭnica pa zamiežnych spravach Kaja Kałas, havoračy pra toje, jak błok hladzić u budučyniu paśla paražeńnia na vybarach šmathadovaha premjera Vienhryi Viktara Orbana.
Instrumientalizacyja vieta padryvaje demakratyčnyja pryncypy Jeŭrapiejskaha sajuza, pakolki ŭ takim vypadku intaresy 26 krain pierakreślivajucca dziela adnaho adzinaha ŭdzielnika, zajaviła Kaja Kałas.
Jana razvažała pra zaviaršeńnie 16‑hadovaha pieryjadu bieśpierapynnaha znachodžańnia Viktara Orbana va ŭładzie, na praciahu jakoha vienhierski premjer-ministr nieadnarazova rasčaroŭvaŭ kaleh-lidaraŭ amal pastajannymi vieta, jakija nakładalisia adno na adno.
«My pavinny vyrazna razumieć, što nasamreč damovy ES nie praduhledžvajuć prava vieta. Damovy zasnavanyja na adnahałosnaści — na tym, što ŭsie zhodnyja», — skazała Kałas u intervju Euronews, zapisanym u kułuarach niefarmalnaha samitu lidaraŭ ES na Kipry.
«Niadaŭna my ŭbačyli, što kali 26 krain chočuć čahości, a adna nie, to ŭ vyniku my robim toje, što choča heta adna kraina, a nie toje, što chočuć 26. Tak što heta nie zusim demakratyja».
Damovy ES praduhledžvajuć jurydyčny miechanizm pierachodu ad adnahałosnaści da hałasavańnia kvalifikavanaj bolšaściu. Adnak u značnaj stupieni taki pierachod patrabuje adnahałosnaj zhody.
«Nam jaŭna nieabchodna pierahladzieć našy mietady pracy, kab stać bolš efiektyŭnymi, tamu što ŭ hetym hieapalityčnym śviecie my pavinny być aŭtarytetnymi — a dla hetaha nam treba być adzinymi i zdolnymi prymać rašeńni», — dadała jana.
Jak kiraŭnica źniešniepalityčnaha viedamstva ES — haliny, dzie patrabujecca adnahałosnaść, — Kałas dobra znajomaja sa šmatlikimi vieta Orbana. Časam joj davodziłasia vystupać z zajavami ad svajho imia, kali padrychtavać sumiesnaje kamiunikie akazvałasia niemahčyma.
Paśla hetaha niaprostaha pieryjadu jana zajaviła, što «vielmi spadziajecca» na «dobraje supracoŭnictva» z novym uradam Pietera Madźjara, jaki pieramoh na vybarach u Vienhryi, paabiacaŭšy adnavić adnosiny pamiž Budapieštam i Brusielem, jakija znachodziacca ciapier na rekordna nizkim uzroŭni.
Madźjar raniej zajaviŭ, što prava vieta zastajecca «dziejnym varyjantam» pry ŭmovie jaho kanstruktyŭnaha prymianieńnia:
«My nie možam apiaredžvać padziei. Spačatku nam treba sfarmiravać novy vienhierski ŭrad, što, vierahodna, adbudziecca ŭ siaredzinie maja, — skazała Kałas. — Tady my ŭbačym, ci zmožam my viarnucca da rašeńniaŭ, jakija byli zabłakavanyja raniej».
«Cisa» ŭ Vienhryi atrymała navat bolš parłamienckich mandataŭ, čym mierkavałasia papiarednie
«Raskoł pa linii ŭschod-zachad». Ci pieramoža na vybarach u Bałharyi «novy Orban»?
«Treba trymacca ad jaho dalej». Jeŭrapiejskija ultrapravyja advaročvajucca ad Trampa
«Pieramohu «Cisy» ŭsprymaju pazityŭna, ale jość aściarohi». Biełarusy, jakija žyvuć u Vienhryi, raskazali pra vybary i źmienu ŭrada
Madźjar padłaviŭ Orbana ŭ jahonaj rezidencyi. I navat z hetaha pažartavaŭ VIDEA
Ciapier čytajuć
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin6
Kamientary