Paźniak — Andrejevaj: Chvała Vam, Kaciaryna! U Vas vydatny muž
Palityk vysoka acaniŭ intervju žurnalistki, eks-palitźniavolenaj Kaciaryny Andrejevaj, jakoje jana dała Hłafiry Žuk u prajekcie «Mnie tolki spytać» na «Biełsacie».
«Kaciaryna Andrejeva hodna paviała siabie jak pradstaŭnica kulturnaj Biełaruskaj nacyi. Šmat vysiłkaŭ było pakładziena biełaruskimi patryjotami ŭ toje, kab Amieryka dapamahła i ŭklučyłasia ŭ vyzvaleńnie viaźniaŭ. I Amieryka ŭziałasia, dziakujučy najpierš pavažanamu prezidentu Trampu. Kaciaryna asabista napisała i padziakvała prezidentu Amieryki za vyzvaleńnie. Chvała Vam, Kaciaryna. Biełarusy kulturnyja ludzi. U Vas vydatny muž. Usio lepšaje napieradzie i ščaście vierniecca», — napisaŭ Zianon Paźniak u svaim fejsbuku.
Kaciaryna ŭ intervju skazała, što vielmi spadziavałasia, što razam ź joj u hrupie palitviaźniaŭ, vyzvalenych 19 sakavika, budzie jaje muž Ihar Iljaš, jaki byŭ prysudžany da čatyroch hod kałonii. Ale hetaha, na žal, nie adbyłosia. Zaraz jaje zadača — dačakacca z kałonii muža, jaki pryncypova admaŭlaŭsia źjazdžać ź Biełarusi.
Zianonu Paźniaku siońnia, darečy, spoŭniłasia 82 hady.
Kamientary