23 krasavika pamior Uładzimir Kulikovič — movaznaŭca, jaki pryśviaciŭ žyćcio rodnamu słovu, paviedamiła ŭ fejsbuku redakcyja časopisa «Rodnaje słova». Jamu było 59 hadoŭ.
Uładzimir Kulikovič naradziŭsia ŭ 1967 hodzie ŭ Ašmianskim rajonie. U 1984 hodzie skončyŭ Dakurnišskuju siaredniuju škołu, u 1991‑m — fiłałahičny fakultet BDU, u 1994‑m — aśpiranturu Biełaruskaha dziaržaŭnaha ŭniviersiteta.
Z 1991 pa 1998 hod pracavaŭ vykładčykam Minskaj siaredniaj śpiecyjalizavanaj škoły pry BDU (ciapier Licej BDU), vykładčykam kafiedry sučasnaj biełaruskaj movy BDU. U 1998 pa 2007 hod byŭ staršym vykładčykam, paśla dacentam hetaj kafiedry. U 2001 hodzie abaraniŭ kandydackuju dysiertacyju pa linhvistyčnych pohladach Uładzimira Duboŭki.
Sa žniŭnia 2007 hoda i da vosieni 2009-ha Uładzimir Kulikovič byŭ hałoŭnym redaktaram časopisa «Rodnaje słova». Taksama jon pačynajučy z 1994 hoda byŭ adnym sa stałych aŭtaraŭ hetaha vydańnia, nadrukavaŭšy ŭ im dziasiatki publikacyj. Navat sioleta paśpieli ŭbačyć śviet dźvie publikacyi ź jaho aŭtarskaha cykła «Mify i realnaść biełaruskaj arfahrafii», što drukavaŭsia ŭvieś minuły hod.
Z 2009 hoda pracavaŭ dacentam, zahadčykam kafiedry redakcyjna-vydavieckich technałohij Biełaruskaha dziaržaŭnaha technałahičnaha ŭniviersiteta.
Byŭ aŭtaram bolš jak 500 navukovych, navukova-papularnych i navukova-mietadyčnych rabot, u tym liku dźviuch manahrafij, kala 50 vučebna-mietadyčnych dapamožnikaŭ dla vučniaŭ, nastaŭnikaŭ, studentaŭ, redakcyjna-vydavieckich rabotnikaŭ.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni7
Kamientary