Nie viercie tamu, chto stavić pad sumnieńnie efiektyŭnaść preparataŭ dla znižeńnia chalesterynu kryvi. U niekatorych hazietnych publikacyjach razmova idzie ab tym, što suprać akiślenaha chalesterynu biassilnyja lubyja tabletki.
Pasprabujem razabracca.
Paniaćcie ahulnaha chalesterynu, jak viadoma, uklučaje ŭ siabie lipaprateiny vysokaj ščylnasci («dobry» chalesteryn), lipaprateiny nizkaj ščylnasci («drenny» chalesteryn), tryhlicerydy i inš. «Drenny» chalesteryn vyłučajecca jakraz tym, što najlepšym čynam paddajecca pracesu pierakisnaha akiśleńnia. Taho samaha, što spryjaje zhasańniu zdaroŭja i pryśpiešvaje stareńnie arhanizma. Akiślenyja lipaprateiny nizkaj ščylnasci chutčej paškodžvajuć unutranuju abałonku sasuda, bolš intensiŭna stvarajuć chalesterynavyja blaški, a značyć, chutka i «jakasna» padryvajuć rabotu našaj sardečna‑sasudzistaj sistemy.
— Čym bolš u našaj kryvi lipaprateinaŭ nizkaj ščylnasci, tym bolšaja jaho častka moža padvierhnucca pracesu pierakisnaha akiśleńnia, — tłumačyć viadučy navukovy supracoŭnik łabaratoryi miedycynskich infarmacyjnych technałohij RNPC «Kardyjałohija» Ihar Kazłoŭ.
— Śpiecyjalnyja «supraćchalesterynavyja» preparaty skiravanyja na znižeńnie «drennaha» chalesterynu ŭ kryvi i dziejničajuć jašče na stadyi jaho sintezu. Pakolki zhadanaja hrupa lekaŭ spryjaje źmianšeńniu ŭzroŭniu chalesterynu ŭ pryncypie, to, zrazumieła, i mienšaja jaho kolkaść moža akislicca…
Zastajecca dadać, što naohuł paźbiehnuć pracesu pierakisnaha akiśleńnia niemahčyma. Ale «sucišyć» jaho možna. Z dapamohaj antyaksidantnych kompleksaŭ — vitaminaŭ A, Je i S. A taksama šlacham rehularnaha ŭžyvańnia sadaviny i aharodniny.
Ciapier čytajuć
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary