U Padlaskim vajavodstvie Polščy źjavilisia turystyčnyja buklety na biełaruskaj movie, vydadzienyja Maršałkoŭskaj upravaj. Inicyjataram vydańnia staŭ radny siejmika vajavodstva Słavamir Nazaruk, piša MOST.
Try kalarovyja buklety — «Padlaskaje niaśpiešna», «Padlaskaje ŭ kulturnym tyhli», «Padlaskaje na ŭik-end» — raskazvajuć pra admietnaści Padlaskaha vajavodstva: kulturnyja, turystyčnyja, pryrodnyja.
— Jość tut miascovyja biełarusy, jość tyja, chto pryjechaŭ ź Biełarusi. Pryjšli da vysnovy, što treba pa-biełarusku raspaviadać pra turystyčnyja atrakcyi Padlašša, Biełastoččyny. Vystupiŭ ź inicyjatyvaj, i atrymałasia, — raskazaŭ radny ciejmika Padlašskaha vajavodstva Słavamir Nazaruk.
Padobnyja ŭlotki raniej isnavali na inšych movach, u tym liku pa-polsku i pa-rusku. Pierakład na biełaruskuju movu vykanała biełaruskaja piśmieńnica z Padlašša Mira Łukša.
«Heta nie takaja i vialikaja sprava», — zapeŭnivaje Słavamir Nazaruk. Ale admietnaja asabista dla jaho jak dla čałavieka, jaki ličyć siabie biełarusam.
— Heta sposab vyjści da biełaruskaha asiarodka. Viadoma, raniej na Padlašša pryjazdžała bolš turystaŭ ź Biełarusi. Zaraz situacyja inšaja, ale jość šmat biełarusaŭ, jakija tut žyvuć i pracujuć. Nu i jość nadzieja, što heta pasłužyć lepšamu paznańniu rehijona: čałaviek pracuje, ale treba kaliści i adpačyć, paznajomicca z historyjaj i kulturaj miascovaści, dzie znachodzicca. Tamu i źjaviłasia ideja.
Słavamir Nazaruk adznačyŭ, što ŭ budučyni, u zaležnaści ad situacyi i mahčymaściaŭ, buduć imknucca praciahvać znajomić biełarusaŭ z Padlaššam na nacyjanalnaj movie.
-
Samaja biełaruskaja litara? U litoŭskaj movie kiryličnaja «ŭ» źjaviłasia raniej, čym u biełaruskaj
-
Navukoŭcy vyjavili, što vałodańnie niekalkimi movami zapavolvaje bijałahičnaje stareńnie
-
Vieraščaka — polskaja strava i polskaje słova. Bondaraŭcy ŭ zachapleńni ad čarhovaha «dokazu» nieisnavańnia biełaruskaj kultury
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary