Znajšli i zatrymali mužčynu, jaki napaŭ z nažom na pradavačku viciebskaj kramy
Dziorzkaje złačynstva adbyłosia ŭ Viciebsku dniom 20 vieraśnia. Kala troch hadzin dnia ŭ adnu z kram pa vulicy Karła Marksa zajšoŭ nieviadomy. Złamyśnik dastaŭ nož, prystaviŭ jaho da horła kasirki i staŭ patrabavać hrošy. Nie atrymaŭšy ich, mužčyna źbieh ź miesca zdareńnia. Ciapier jaho znajšli.
Jak paviedamlaje UUS Viciebskaha abłvykankama, napadnikam akazaŭsia raniej sudzimy 32-hadovy žychar Viciebska. Mužčynu zatrymali amapaŭcy ŭviečary 21 vieraśnia na prypynku hramadskaha transpartu.
Supracoŭniki kryminalnaha vyšuku vyśvietlili, što złačyniec rychtavaŭsia da napadu, a paśla jaho ździajśnieńnia sprabavaŭ zabłytać ślady. Jon pieraapranuŭsia, vykinuŭ adzieńnie i abutak, u jakich adpraviŭsia na razboj. Taksama zatrymany raskazaŭ, što pajšoŭ na złačynstva z-za karyślivych matyvaŭ.
Kamientary