Praŭładnaha błohiera zaŭvažyli ŭ polskim vizavym centry. Spytali, što jon tam rabiŭ
Bresckaha praŭładnaha błohiera Alaksieja Holikava siońnia zaŭvažyli ŭ vizavym centry Polščy.
«Pa svaich spravach byŭ u vizavym centry, vizu nie rabiŭ, — raskazaŭ Alaksiej Holikaŭ «Našaj Nivie». — Heta maja asabistaja sprava, čamu ja tam byŭ. Tam jość pasłuhi pa ksierakopii, strachavańni, naprykład.
Polskaja viza ŭ mianie jość. Volna jezdžu tudy, kali mnie heta patrabujecca.
Kali kazać ščyra, to ja absalutna nie vieru ni rasijskim, ni polskim, ni biełaruskim ŚMI pra toje, što havorać u Rasii pra Jeŭropu ci naadvarot. Ja jezdžu i hladžu na svaje vočy.
Maja palityčnaja pazicyja niaźmiennaja. Ja źjaŭlajusia prychilnikam dziejnaj ułady, u mianie jość dastatkova šmat unutranych pretenzij da dziejnaj ułady, da vykanańnia taho kursu, jaki jany ŭziali. Kurs palityčny ja nie abmiarkoŭvaju.
My vidavočna bačym sankcyjny cisk, jaki nie moža nie źjaŭlacca prykmietaj pryhniotu ekanomiki dziaržavy dla dasiahnieńnia peŭnych palityčnych met, naprykład, źmieny kiraŭnictva krainy.
Dosyć praciahły pieryjad u Polščy nie byŭ. Pa biełaruskim i rasijskim telebačańni tranślujecca infarmacyja pra toje, što Jeŭropa moža źmierznuć i što chutka nie budzie ježy. Ja ŭ najbližejšy čas chacieŭ by asabista źjeździć u Jeŭropu i pierakanacca ŭ tym, nakolki tam pustyja palicy, jak tam zamiarzajuć ludzi, parazmaŭlać z prostymi palakami i daviedacca, što jany pra heta dumajuć».
Alaksiej Holikaŭ — błohier, jaki niečakana ŭspłyŭ u miedyjaprastory ŭ 2020 hodzie. Jon z Bresta, zarablaje na žyćcio zdačaj nieruchomaści ŭ arendu i tym, što hrymuje niabožčykaŭ.
Holikaŭ aktyŭna vykazvaŭsia ŭ padtrymku ŭłady, paśla čaho «pajšoŭ na pavyšeńnie». Jon trapiŭ na intervju da Markava na ANT, sam rabiŭ hutarki z Karajevym, Vaskrasienskim, Mukavozčykam, mieŭ aŭtarskuju rubryku na telekanale STB.
Paźniej Holikaŭ pačaŭ krytykavać dziejańni ŭłady: niehatyŭna vykazvaŭsia pra BRSM, zajaŭlaŭ, što «bečebešnikaŭ nie pieramahli», pratesnyja nastroi jašče tlejuć. Paśla takoha dziaržaŭnyja biełaruskija ŚMI prosta pierastali jaho vykarystoŭvać.
Čytajcie taksama:
«Maru stać Kisialovym». Vialikaja hutarka z praŭładnym błohieram Holikavym, jaki krytykuje BRSM i zajaŭlaje, što razvodzicca z «žonkaj-bečebešnicaj»
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
Praŭładny błohier pažaliŭsia, što ź im razvodzicca žonka-«bečebešnica»
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»5
Kamientary