Murataŭ: U mianie jość svaja sacyjałohija — raz na tydzień zachodžu na barachołku i hladžu, kolki kaštujuć majki z atrybutykaj Z
Hałoŭny redaktar rasijskaj «Novoj Haziety», nobieleŭski łaŭreat Dźmitryj Murataŭ raspavioŭ pra svaju «damatkanuju» sacyjałohiju, piša «Salidarnaść».
— U mianie jość svaja damarosłaja sacyjałohija, — kaža ŭ intervju kanału «Sołodnikov» Murataŭ. — Raz na tydzień ja załažu na barachołku Ozon i hladžu, kolki kaštujuć majki z atrybutykaj Z, V i inšaje.
Na minułym tydni cana ŭpała jašče na 8%, i ciapier skidki na hetyja vyraby dasiahnuli 68-78%. Heta značyć, za niekalki miesiacaŭ papularnaść i košt vajny, jaje kaštoŭnaść u vačach ludziej źniziłasia na try čverci.
Miedyjamieniedžar sa škadavańniem kanstatuje, što pakul u Rasii panuje prapahanda, dziaržava imkniecca źniščyć miedyja, niezaležnyja ad dziaržavy. I pryvodzić nastupnuju statystyku:
— Usiaho, pa danych Hienprakuratury, zabłakavana 138 tysiač sajtaŭ. Ź ich 7 tysiač — pa cenzurnych mierkavańniach. Źniščanyja dziasiatki niezaležnych ŚMI i rasśledavalnickich startapaŭ, mnohija pryznanyja inšaahientami i niepažadanymi, a 12 čałaviek siadziać.
Razhrom presy, ci miedyjny hienacyd, zavieršany. A navošta było tak bajacca, kali płan dobry, a ideja pravilnaja?
— Nie, było zrazumieła, što narod treba pakinuć sam-nasam z prapahandaj. I ŭ hetym hihanckaja vina dziaržavy. Heta stałaja radyjacyja prapahandy, złości i ahresii na ludziej, jakija pryvykli vieryć ikonie — televizaru.
Televizar — heta novaja ikona. Prapahanda — heta novaja relihija, a Pucin — novy boh. Na paśladoŭnikaŭ hetaj siekty vykidvajecca vializnaja kolkaść prapahandy.
A prapahanda źjaŭlajecca hałoŭnaj industryjaj rasijskaj pramysłovaści.
-
U Rasii mastačku asudzili na 20 hadoŭ za padrychtoŭku vybuchoŭki na zamovu ŭkrainskich śpiecsłužbaŭ
-
Miadzinski choča adpravić hiensaku NATA padručnik historyi, kab dakazać, što «Ukrainy ŭ XII stahodździ nie było». Toj adkazaŭ rezka
-
U Estonii supracoŭnicu «Rasii siehodnia» asudzili na šeść hadoŭ za dziaržzdradu
Kamientary