Prosta zapalicie łaŭrovy list i pačakajcie paru chvilinaŭ. Efiekt vas urazić
Łaŭrovy list zvyčajna dadajuć u stravy. Ale jaho možna skarystać i pa inšamu, piša Onet.pl.
Liście łaŭra vielmi karysnaje. Jano palahčaje stravavańnie, dapamahaje ad mietearyzmu i karysnaje dla piečani. Akramia taho, jano vałodaje abiazbolvalnym i procizapalenčym dziejańniem i moža vykarystoŭvacca jak naturalny mačahonny srodak.
Ale nie ŭsie viedajuć, što łaŭrovy list možna vykarystoŭvać dla aromaterapii. Dla hetaha dastatkova pakłaści adzin abo niekalki liściaŭ u popielnicu abo inšuju nieharučuju jomistaść, zapalić ich i pačakać, pakul jany pačnuć tleć. Voś, jakija efiekty akazvaje vodar łaŭrovaha liścia:
Źnižaje stres i supakojvaje. Heta źviazana z tym, što ŭ im utrymlivajecca linałaoł i eŭhienoł — duchmianyja rečyvy, jakija (u nievialikich kolkaściach) dapamahajuć źnizić napružańnie, stres i tryvohu.
Ačyščaje dychalnyja šlachi. Duchmianyja złučeńni, jakija źmiaščajucca ŭ łaŭrovym liści, dapamahajuć ačyścić vierchnija dychalnyja šlachi. Jany taksama karysnyja pry astmie, prablemach z dychańniem, źviazanym z alerhijaj, i zvyčajnaj prastudzie.
Recepty z efirnymi alejami
Dla taho, kab atrymać karysnyja efiekty, ale biez ahniu, prosta zalicie liście haračaj vadoj, ale nie kipieniem. Para, jakaja budzie padymacca, utrymlivaje ŭ sabie karysnyja efirnyja alei z łaŭrovaha liścia.
Akramia taho, vy možacie nabyć efirny alej z hetaj raśliny. Jon vałodaje bakterycydnym i funhicydnym dziejańniem, dobra dapamahaje suprać pierchaci i vuhroŭ, supakojvaje zapalenuju skuru, palahčaje reŭmatyčnyja i artrytnyja boli.
Ciapier čytajuć
Kurejčyk: Dzieci Cichanoŭskich pierajechali ŭ ZŠA30
Kamientary