U Noŭharad-Sievierskim na Čarnihaŭščynie adnu ź pierajmienavanych vulic nazvali imieniem Leanida Kučmy
U honar druhoha prezidenta Ukrainy, uradženca siała Čajkina Noŭharad-Sievierskaha rajona, pierajmienavali vulicu Hubiernskuju ŭ centry Noŭharad-Sievierskaha, paviedamlaje «Suśpilnie».
Ideja źjaviłasia prosta pierad siesijaj haradskoj rady. Mienavita tak pierajmienavać vulicu Hubiernskuju prapanavaŭ adzin z deputataŭ, a inšyja jaho padtrymali.
U toj ža čas miascovy krajaznaŭca Barys Damocki, jaki ŭvachodziŭ u kamisiju pa pierajmienavańniach vulic, ale zatym vyjšaŭ ź jaje, kaža, što sam jon prapanoŭvaŭ pierajmienavać Hubiernskuju ŭ vulicu Ivana Maziepy. Novuju nazvu krajaznaŭca nie padtrymlivaje, bo «da Kučmy, jaho palityčnaj dziejnaści jość 100 pytańniaŭ».
Ciapierašniaja vulica Kučmy — adna z centralnych u Noŭharad-Sievierskim. Na joj staić tryumfalnaja arka, licej, tut raźmieščanaja i haradskaja rada. Da 2016 hoda jana nasiła imia Karła Marksa, histaryčnaja nazva Hubiernskaja była viernutaja padčas dekamunizacyi.
Sam Kučma, atrymaŭšy navinu, skazaŭ, što «prosta rasčuleny» i vielmi ŭdziačny. Jaho fraza była, pa słovach kiraŭnicy horada: «Noŭharad-sieviercy, nu vy dajacio».
Usiaho ŭ ramkach dekamunizacyi ŭ Noŭharad-Sievierskaj hramadzie pierajmienavali kala 80 vulic, 33 ź ich — u horadzie.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary