Člen-karespandent NAN Biełarusi, doktar bijałahičnych navuk Aleh Davydzienka i jaho žonka Natalla znachodziacca ŭ izalatary na Akreścina. Na ich zaviedzienaja kryminalnaja sprava. Łukašysty vinavaciać ich u «arhanizacyi i padrychtoŭcy dziejańniaŭ, jakija hruba parušyli hramadski paradak, albo ŭdzieł u ich» (342 artykuł KK). Nahodaj dla pieraśledu stała fota, na jakich Davydzienki stajać z płakatam padčas pratestaŭ 2020 hoda.
Pačynajučy prykładna z 26 kastryčnika Kamitet dziaržaŭnaj biaśpieki pravioŭ masavyja zatrymańni ŭ Nacyjanalnaj akademii navuk. Zabrali jak minimum 44 supracoŭnikaŭ. Paźniej stała viadoma, što 41 adpuścili. Siońnia «Našaj Nivie» stała viadoma, što zatrymańni praciahvajucca, i siarod aryštavanych — člen-karespandent Nacyjanalnaj akademii navuk Biełarusi Aleh Davydzienka.
Na hety momant jaho ŭtrymlivajuć u izalatary na Akreścina.
Farmalna zatrymańnie adbyłosia a 7 hadzinie ranicy na Dziady, 2 listapada. Zatrymanaja i žonka navukoŭca, Natalla.
«Da mianie pryjšła infarmacyja, što ich zabrali za pratesty 2020 hoda. Aleh Hieorhijevič vielmi pryncypovy čałaviek. Mahčyma, u jahonym telefonie znajšli fota. Akramia taho, u 20-m jon padpisvaŭ list vučonych suprać hvałtu ŭ krainie paśla vybaraŭ i vyjšaŭ z aficyjnaha prafsajuza. I naohuł jon vielmi pramaliniejny i «niazručny» dla niekatorych asobaŭ čałaviek», — adznačaje adzin z kaleh Aleha Davydzienki.
Pavodle jaho, 4 listapada dziaržaŭny advakat źviarnuŭsia pa charaktarystyku ź miesca pracy na svajho padabaronnaha.
Alehu Davydzienku 71 hod. Jaho navukovaja, pracoŭnaja dziejnaść źviazana ź Instytutam hienietyki i cytałohii Akademii navuk Biełarusi.
U 1990 hodzie jon abaraniŭ doktarskuju dysiertacyju pa temie «Cytapłazmatyčnaja źmienlivaść sielskahaspadarčych raślin». U 2000 h. byŭ abrany členam-karespandentam NAN Biełarusi. Jon aŭtar 300 navukovych rabot, u tym liku 5 manahrafijaŭ, 1 padručnika, 19 hatunkaŭ raślin.
a
Davydzienka byŭ dvojčy ŭhanaravany premijaj Nacyjanalnaj akademii.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary