U apošnija dva hady Darja Domračava, najlepšaja bijatłanistka ŭ historyi Biełarusi, redka vykazvałasia pa rezanansnych temach. U lutym Domračava razam z mužam naviedali alimpijadu ŭ Piekinie, dzie vystupała kitajskaja bijatłonnaja zbornaja, jakuju jany treniravali. Čym ciapier zajmajecca spartsmienka, raspavioŭ jutub-kanał «ČiestnOK».
22 sakavika eks-bijatłanistka i čatyrochrazovaja alimpijskaja čempijonka apublikavała ŭ instahramie post, pryśviečany padziejam va Ukrainie. Domračava vykazałasia ŭ im, što chvalujecca nakont vajny, ale ŭ asnoŭnym jaje tekst byŭ pryśviečany zabaronie ŭdziełu rasijskich i biełaruskich spartsmienaŭ u mižnarodnych turnirach šmat u jakich vidach sportu.
«Ja liču absalutna naiŭnym mierkavać, što adchileńnie biełaruskich i rasijskich spartsmienaŭ ad mižnarodnych spabornictvaŭ dapamoža rašeńniu vajennaha kanfliktu. Na moj pohlad, padobnyja miery tolki spryjajuć raspalvańniu varožaści siarod ludziej. Pierš čym havaryć pra hłabalnaje, davajcie pačniom ź siabie, sa svaich čałaviečych jakaściej i svajho atačeńnia», — napisała spartsmienka.
Adno z narviežskich miedyja źviarnułasia da muža Darji, vaśmirazovaha alimpijskaha čempijona pa bijatłonie Ule-Ejnara Bjorndalena, z pytańniem, jak jon stavicca da pazicyi žonki i jaje niepryniaćcia adchileńnia spartsmienaŭ. Ale jon vyrašyŭ pramaŭčać.
U kancy kastryčnika alimpijskaja čempijonka pa bijatłonie Nadzieja Skardzina apublikavała fota z Darjaj i padpisała: «Kali chočacca pasiadzieć ź siabroŭkaj u kaviarni, papić kapučyna i pahavaryć, možna prajechać i 4 krainy na 4 ciahnikach». Trochi raniej, u krasaviku, byłyja bijatłanistki taksama bačylisia, mahčyma, taksama padčas adpačynku.
Letam Domračava i Bjorndalen byli ŭ Minsku, dzie zrabili fota z doktaram Paŭłam Drynieŭskim. Miedyk padpisaŭ jaho tak: «Maje nastaŭniki». Akramia sustrečy z Drynieŭskim, eks-bijatłanisty pravodzili čas na łyžarolernaj trasie ŭ Minsku, što znachodzicca la praśpiekta Pieramožcaŭ i Doma futboła, tam ich sustreła fanatka pary i bijatłanistka Viera Baradač.
7 vieraśnia ŭ internecie źjaviłasia fota Domračavaj na fonie Minsk-Areny ź Illom Davidovičam — chłopcam, jakomu Darja dapamahaje ŭ lačeńni raku.
Ciapier, śćviardžaje «ČiestnOK», Domračava z mužam znachodzicca ŭ Narviehii, dzie jany ŭdzielničali ŭ tur-maršy i zabiehu na haru ŭ rodnaj vioscy narviežca. Ule-Ejnar zaniaŭ tam treciaje miesca. Zaraz para moža znoŭ viarnucca ŭ Kitaj — jak kažuć narviežskija ŚMI, muž Darji moža stać asistentam kiraŭnikoŭ nacyjanalnaj bijatłonnaj fiederacyi.
«Naša Niva» — bastyjon biełaruščyny
PADTRYMAĆDomračava asudziła, ale nie vajnu
«Uzrovień niamieckaha futboła padaje». Jak łukašenkaŭcy apraŭdvajucca i tłumačać spartovyja sankcyi
Niaŭdały biznesmien i trenier zbornaj. Čym zajmajucca ciapier byłyja biełaruskija zorki zimovych Alimpijadaŭ
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin8
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary