«Lena, mianie, mahčyma, siońnia rasstralajuć. Našy». Žonka rasijanina raspaviała, što adbyvajecca z tymi, chto admaŭlajecca vajavać
Alena Kašyna, žonka mabilizavanaha rasijanina, raspaviała na strymie The Insider, jak jaje muž admoviŭsia zabivać i ŭ jakich umovach jaho, jak «admoŭnika», utrymlivajuć. Žančyna baicca za muža, adnak pahadziłasia nazvać svajo imia i nie chavaje tvaru na videa.
Pa słovach Kašynaj, jaje muža źmiaścili ŭ śpiecyjalny łahier dla «admoŭnikaŭ». Raniej było viadoma pra niekalkich takich miescaŭ u vioskach Łuhanskaj vobłaści — u Brancy i Pieravalsku. Muž Aleny z dvuma dziasiatkami takich ža mabilizavanych znachodzicca ŭ siale Zavitnie Bažańnia ŭ Danieckaj vobłaści. U hetym miescy dla «admoŭnikaŭ» rasijskich mabilizavanych sałdat trymajuć u «kamiennym miašku sklepa» ŭ žachlivych umovach.
Alena raspaviadaje, što ŭ jaje muža niama nijakaha bajavoha dośviedu. Kali jon słužyŭ u armii, «ramantavaŭ BTRy ŭ haražy». U jaho vajennym bilecie, pa jaje słovach, tak i zapisana: «Kiroŭca pa ramoncie i ekspłuatacyi ciažkaj techniki».
Alena raspaviadaje, što paśla pryzyvu jaje muža pavieźli na palihon. Tam jany «z aŭtamata adzin dzień pastralali».
Pa słovach Aleny, muž joj raspaviadaŭ, što pryceł aŭtamata, jaki jamu dali, byŭ defarmavany.
«Ja pasprabavaŭ z 400 mietraŭ — nikudy nie trapiŭ, z 200 mietraŭ — nikudy nie trapiŭ, taksama i sa 100 mietraŭ. Jak tam možna trapić — kryvyja ruli», — raspaviadaŭ muž Alenie.
«U druhi dzień jany kapali akopy — voś i ŭsia bajavaja padrychtoŭka», — kaža žančyna.
Potym ich amal adrazu adpravili va Ukrainu.
Kali jon vyjšaŭ na suviaź, raspaviadaŭ, što «sprabujuć jany tam advajoŭvać lesapałosy», što chodziać, niasuć vachty ŭ akopach, što kali jon vyjšaŭ z adnaho akopa, «u jaho zastupili dvoje chłopcaŭ, i ich zabiła tam».
12 kastryčnika jon patelefanavaŭ i skazaŭ, što ich prymušajuć iści na šturm varožych pazicyj.
«Jon kaža: ja dla siabie zrazumieŭ, što ja nikoli nie zmahu zabić čałavieka. Jak ja pajdu tudy? Ja zaplušču vočy ci vušy rukami, i mianie prosta rasstralajuć», — pieradaje słovy muža Alena.
12 čysła jon napisaŭ rapart.
«A pierad tym, jak napisać, zampalit 5-j roty ŭ ich tam u DNR, dzie jon znachodzicca, skazaŭ: «Kali vy, chłopcy, budziecie niešta pisać, my vas rasstralajem i zakiniem u ahulnuju jamu. A svajakam napišam, što vy bieź viestak źnikłyja. Jon mnie patelefanavaŭ i skazaŭ: «Lena, mianie, mahčyma, siońnia rasstralajuć. Našy ž rasstralajuć».
Pa słovach Aleny, «admoŭnikaŭ» zabrali, zakinuli ŭ sklep niepadalok ad pieradavoj. Było spačatku ich vosiem čałaviek, ciapier užo 21 čałaviek.
«Całkam maralna pryhniečanyja ludzi, ich pałamali prosta psichična, psichałahična. Takija žachi [im] kažuć, što vy pavinny iści na pieradavuju, zabivać dziaciej navat, žančyn, usich, chto trapicca. Tam prosta budzie iści začystka, vy pavinny zabivać usich», — raspaviała Alena.
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstvu rasijskaha apazicyjaniera. Pahražaje až da pažyćciovaha1
Kamientary