Raptoŭna pamior ministr zamiežnych spraŭ Biełarusi Uładzimir Makiej, paviedamlaje BiełTA. Jamu było 64 hady. Ën naležaŭ da libieralnaha kryła łukašenkaŭcaŭ i byŭ adzinym u ciapierašniaj łukašenkaŭskaj viarchušcy, chto čas ad času havaryŭ pa-biełarusku.
Padrabiaznaści nie paviedamlajucca.
Učora, 25 listapada, paviedamlałasia pra sustreču Uładzimira Makieja z vatykanskim nuncyjem Ante Jozičam.
Pierad hetym Uładzimir Makiej niekalki dzion znachodziŭsia ŭ Jerevanie na samicie krain ADKB.
Čytajcie taksama: Ruka Maskvy, pomsta Łukašenki ci prosta infarkt?
Stała viadomaja imaviernaja pryčyna śmierci Makieja
Jak Makiej pravioŭ svoj apošni tydzień
Cichanoŭskaja vykazałasia pra śmierć Makieja
Uładzimir Makiej naradziŭsia 5 žniŭnia 1958 u Niekraševičach, što ŭ Karelickim rajonie Hrodzienskaj vobłaści. Pracavaŭ ministram zamiežnych spraŭ z 20 žniŭnia 2012 hoda, kiravaŭ Administracyjaj Łukašenki ŭ 2008—2012 hadach.
U 1980 hodzie skončyŭ Minski dziaržaŭny piedahahičny instytut zamiežnych moŭ.
Paśla słužyŭ u HRU, mieŭ zvańnie pałkoŭnika. Słužyŭ va Ukrainie, nakiroŭvaŭsia na słužbu ŭ Afhanistan.
U 1992—1993 hadach prajšoŭ navučańnie ŭ Dypłamatyčnaj akademii MZS Aŭstryi i staŭ dypłamatam — užo niezaležnaj Biełarusi.
Da 1993 hoda pracavaŭ u orhanach Ministerstva abarony Respubliki Biełaruś, zatym znachodziŭsia na dypłamatyčnaj słužbie.
Z sakavika 2000 hoda — pamočnik prezidenta Respubliki Biełaruś, ź lipienia 2008 hoda — kiraŭnik Administracyi prezidenta. 20 žniŭnia 2012 hoda pryznačany ministram zamiežnych spraŭ Respubliki Biełaruś.
Vałodaŭ anhlijskaj i niamieckaj movami.
Nastupnym čynam prakamientavaŭ palityčny kryzis u Biełarusi ŭ 2020 hodzie:
«Luboje dalejšaje ŭzmacnieńnie žorstkaści sankcyj pryviadzie da taho, što hramadzianskaja supolnaść [Biełarusi] pierastanie isnavać. I heta, ja liču, budzie absalutna abhruntavana ŭ hetaj situacyi».
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje8
Kamientary